රාමසාන් වෙනුවෙන් මුස්ලිම් පල්ලිවලට විශේෂ ආරක්ෂාවක් පොලිසියේ-හමුදාවේ 7,350ක්

රාමසාන් උත්සවය වෙනුවෙන් ඉස්ලාම් දේවස්ථානයන්හි ආරක්ෂාව සඳහා විශේෂ ආරක්ෂක වැඩපිළිවෙළක් ක්‍රියාත්මක කරමින් ඒ සඳහා පොලිසියේ සහ ත්‍රිවිධ හමුදාවේ 7,350කට අධික භට පිරිසක් යොදවා තිබේ.

පොලිස් නිලධාරීන් 5,580ක්, පොලිස් විශේෂ කාර්ය බළකා නිලධාරීන් 510ක් හා ත්‍රිවිධ හමුදා 1,260ක් ඒ අනුව විශේෂ ආරක්ෂාව සඳහා යොදවා ඇතැයි පොලිස් මූලස්ථානය සඳහන් කරයි.

සෑම පොලිස් වසමකටම අයත් සියලු ඉස්ලාම් දේවස්ථානවල මව්ලවිතුමන්ලා හමු වී මෙම විශේෂ ආරක්ෂක වැඩපිළිවෙළ සකස් කර ඇති අතර, ඒ යටතේ දිවයින පුරා ඉස්ලාම් දේවස්ථාන 3,203ක් අතරින් දේව මෙහෙයන් පැවැත්වෙන ඉස්ලාම් දේවස්ථාන ස්ථාන 2,453කට අවශ්‍ය ආරක්ෂාව තහවුරු කිරීම සඳහා මෙම ආරක්ෂක නිලධාරීන් යොදවා ඇත.

රක්ෂණ ශ්‍රියන්ත