වසර ගණනාවකට පසු මැදවච්චිය මූලික රෝහලේ හදීසි ප්‍රථිකාර ඒකකය අලුත් වැඩියා කරමින් නැවත ජනතා අයිතියට පත් කිරීම, මැදවච්චිය ප්‍රාදේශිය ලේකම් එම්.සී මලවිආරච්චි මහත්මියගේ ප්‍රධානත්වයෙන් අද(06) සිදු කෙරිණි.
මැදවච්චිය ප්‍රාදේශිය ලේකම් බල ප්‍රදේශයේ 55,000 ට ආසන්නව ජීවත්වන ජනතාවට, සෞඛ්‍ය පහසුකම් සපයන එකම මූලික රෝහලද මැදවච්චිය මූලික රෝහල වේ.
අවම පහසුකම් සහිත ජනතාවගේ සෞඛ්‍ය තත්ත්වය යහපත් කිරීමට දැඩි කැපවීමකින් වැඩ කරන වෛද්‍යවරුන් ප්‍රමුඛ කාර්යය මණ්ඩලයක් මෙම රෝහලේ සිටිති. ඒ අනුව දානපතියක්ගේ අවධානය මේ වන විට මෙම රෝහලට ලැබෙමින් පවති.
අපවත් වී වදාළ සංගිලිකනදරාව ශ්‍රී සුමනාරාම, රළපනාව ශ්‍රී බුදුරැස් විහාරාධිපති නැගෙනහිරනුවරගම් පළාතේ උප ප්‍රධාන සංඝනායක ළිඳවැව සුමංගලාභිධාන නාහිමියන්ගේ හා සිංගප්පූරුවේ Daw Ma Ma Lay වර්ෂ පූර්ණ පින්කම නිමිත්තේන් ළිඳවැවේ අමරජෝති හිමියන්ගේ අනුශාසනා පරිදි එම හදීසි ප්‍රථිකාර ඒකකයේ ඇඳන් ආවරණ සහ අලුත්වැඩියා කටයුතු සිදු කළේය.
සංගිලිකනදරාව දායක පිරිස සහ සිවිල් ආරක්ෂක දෙපාර්තමේතුවේ සහයෝගය මෙයට ලැබී තිබුණි.
එම අවස්ථාවට මහා සංඝරත්නය ප්‍රමුඛ රෝහල් කාර්යය මණ්ඩලය සහභාගී වූහ.
මැදවච්චය – සජිත් ගයාන් උබේපාල
