හිටපු කොමාන්ඩෝ සෙබළකු හෙරොයින් මත්කුඩු ග්රෑම් 02ක් සමඟ මහනුවර කොට්ඨාස අපරාධ විමර්ශන ඒකකය මගින් සැකපිට අත්අඩංගුවට ගෙන තිබේ.
විනය කඩකිරීමේ හේතු ගණනාවක් හේතුවෙන් කොමාන්ඩෝ බළකායෙන් ඉවත්කර තිබෙන සැකකරු පසුව පාතාලය හා සම්බන්ධතා පවත්වමින් මත්කුඩු ජාවාරමට යොමුව තිබෙන බව පොලිස් පරීක්ෂණ මගින් අනාවරණය වී ඇත. හිටපු ජනාධිපති ගෝඨාභය රාජපක්ෂ මහතාගේ ශාරීරික පුහුණු උපදේශකවරයකු ලෙසත් සැකකරු කලක් කටයුතු කළ බවට ද ලැබුණු තොරතුරක් සනාථ කර ගැනීමට පොලිසිය කටයුතු කරමින් සිටියි.
කොමාන්ඩෝ පුහුණුවේ දී දක්ෂ සෙබළුන් දස දෙනා අතර සිටි 28 හැවිරිදි සැකකරු අති දක්ෂ වෙඩික්කරුවකු බවත් මොහු පාතාලය හා සම්බන්ධ වී ඝාතන සිදු කළේ ද යන සැකය මත ප්රශ්න කිරීම් සිදු කරන බවත් පොලිසිය පවසයි.
දෙදරු පියකු වන සැකකරු පදිංචිව සිටි නෙල්ලිගල ප්රදේශයේ නිෙවස පරීක්ෂා කළ අවස්ථාවේ එහි තිබී හෙරොයින් මත්කුඩු ග්රෑම් 02ක් පොලිසිය සොයා ගෙන තිබේ.
සැකකරු සම්බන්ධයෙන් අධිකරණයට කරුණු වාර්තා කර ලබාගත් රැඳවුම් නියෝගයක් මත සැකකරුගෙන් වැඩිදුර ප්රශ්න කිරීමේ සිදු කරයි.
කොට්ඨාස අපරාධ විමර්ශන ඒකකයේ ස්ථානාධිපති ප්රධාන පොලිස් පරීක්ෂක තිලක් සමරනායක මහතාගේ උපදෙස් මත පොලිස් පරීක්ෂක වීරරත්න, උප පොලිස් පරීක්ෂක බණ්ඩාර, පොලිස් සැරයන් (32874) ජයවර්ධන යන නිලධාරීන් සිද්ධිය සම්බන්ධයෙන් වැඩිදුර විමර්ශන සිදු කරයි.
අසේල කුරුළුවංශ