යුක්තිය මෙහෙයුමට සමගාමීව බස්රථ පරීක්ෂාවකදී වවුනියාවේ සිට කොළඹ බලා ගමන් ගත් මගී ප්‍රවාහන පුද්ගලික බස්රථයක තිබී කේරළ ගංජා කිලෝග්‍රෑම් එකහමාරකට ආසන්න ප්‍රමාණයක් සමඟ සැකකරුවෙකු අත්අඩංගුවට ගැනීමට සාලියවැව පොලිසිය සමත්ව තිබේ. 23 වෙනි දින අලුයම සාලියවැව මංසන්ධියේ මාර්ග බාධක යොදා දුර ගමන් සේවා බස් රථ පරීක්ෂා කිරීමට කටයුතු කිරීමේ දී වවුනියාවේ සිට කොළඹ බලා ධාවනය වූ බස් රථයක අත්අඩංගුවට පත් සැකකරුවාගේ ගමන් මල්ලේ සූක්ෂ්ම ලෙස අසුරා තිබී මෙම ගංජා තොගය සොයා ගැනීමට පොලිසියට හැකිවී තිබේ. සැකකරු පුත්තලම ප්‍රදේශයේ පදිංචි වයස අවුරුදු හතළිහක පමණ පුද්ගලයෙකි. ඔහු මෙම ගංජා තොගය කොළඹ ප්‍රදේශයට රැගෙන යන බව සිදු කළ මූලික පරීක්ෂණවලින් හෙළිවී ඇත. සැකකරු පොලිස් භාරයේ රඳවාගෙන වැඩිදුර විමර්ශන කටයුතු සිදු කරනු ලැබේ.
මාරවිල සමූහ - මිහිර විජේසේකර පුත්තලම අතිරේක හිරාන් ප්රියංකර ජයසිංහදුර ගමන් සේවා බස් රථ පරීක්ෂාවකදී ගංජා කිලෝ එකහමාරක් සමඟ සැකකරුවෙක් මාට්ටු
73
