ලෝකය පුරා වසරකට කුසගින්න හේතුවෙන් මිලියන නවයක ජනතාවක් මිය යන බව නවතම සමීක්ෂණයකින් අනාවරණය කරගෙන ඇත. මේ අන්දමට කුසට ආහාරයක් නැති කුඩා ළමයින්, වැඩිහිටියන් සහ සමාජයේ සරණක් අවශ්‍ය ආබාධිතයන් ඇතුළු විශාල පිරිසක් මිය යෑම වහාම වැළැක්වීමට පියවර ගත යුතුව ඇතැයි Govt of the Planets Ltd ආයතනය පවසයි.
එක්සත් ජාතීන්ගේ සංවිධානයේ තිරසර සංවර්ධන ඉලක්ක 2030 වන විට ලෝකයේ සෑම රටකම ජනතාවට ආහාර සුරක්ෂිතතාව, පාරිසරික සුරක්ෂිතතාව, ආදායම් සුරක්ෂිතතාව ළඟා කර ගැනීම කළ යුතු බවට නිර්දේශ කර ඇත. එපමණක් නොව එම ඉලක්ක ජය ගැනීමට සහශ්‍ර සංවර්ධන ඉලක්ක ද ලබා දී ඇත. ඒවා අනුව බොහොමයක් රටවල් මේ වනවිටත් තම ආර්ථික සමාජ සංවර්ධන ක්‍රියාකාරකම් පෙළ ගස්වා තිබේ. එවන් පසුබිමක ලොව පුරා සාමය,සංවර්ධනය ළැදි නායකයන් සියලුදෙනා එක් කර ගනිමින් කුසගින්න නිමා කිරීමට පිළියම් යෙදීම හා ලොව පුරා සැමට නොමිලේ ආහාර, සෞඛ්‍ය, නවාතැන් හා අධ්‍යාපනය ලබාදීමට පියවර ගත යුතුව ඇතැයි ද සංවිධානය කියයි.
මේ සඳහා අත්වැල් බැඳගෙන ලෝකවාසීන් සාමකාමී හා සෞභාග්‍යය පිරි මනුෂ්‍යත්වයට ගරුකරන තැනක් බවට පත් කර ගන්න කටයුතු කරමු යැයි Govt of the Planets Ltd ආයතනය ප්‍රකාශ කර සිටියි.මේ සඳහා අත්වැල් බැඳ ගන්නා ලෙසත් http://www.twitter.com/GovPlanets වැඩි විස්තර ලබා ගත හැකි බවත් ඔවුහු පවසති.
