දහයියා කුඩු ප්රවාහනය කරන මුවාවෙන් තේක්ක සහ බුරුත කඳන් තොගයක් ප්රවාහනය කළ පුද්ගලයෙකු දක්ෂිණ අධිවේගී මාර්ග ගැලනිගම පිටවීමේ පිවිසුමේදී අත්අඩංගුවට ගත් බව දක්ෂිණ අධිවේගී රථවාහන පොලිසිය කියයි
එම ලොරිය තුළ තිබී රුපියල් ලක්ෂ ගණනාවක් වටිනා තේක්ක කඳන් 26 ක් බුරුත කඳන් 10 ක් මෙන්ම ඒවා පිටතට නොපෙනීම සඳහා දහයියා පුරවන ලද උර 24ක් දොර අසලම එකිනෙක මත ගොඩ ගසා තිබූ බව පොලිසිය කියයි
දක්ෂිණ අධිවේගී රථවාහන කොට්ඨාශයේ ගැලනිගම පොලිසියට අනුයුක්ත පොලිස් සැරයන් 14612 සම්පත් නිලධාරියා රාජකාරියේ යෙදී සිටියදී මාතර දෙස සිට පැමිණි ආවරණය කරන ලද ලොරිය නවතා පරික්ෂා කිරීමේදී
තේක්ක සහ බුරුත කඳන් ලොරියකට පටවා ඒවා පිටතට නොපෙනෙන ලෙස පිටුපස දොර අසලම දහයියා පුරවන ලද උර එකිනෙක තබා ආවරණය කර වූ බව පොලිසිය කියයි
අගුණු කොළ පැලැස්ස අධිවේගී පිවිසුමෙන් ඇතුළු වී තිබූ මෙම ලොරිය එම පිවිසුමේ නිලධාරීන්ගේ පරික්ෂාවට ලක් නොවී ඇති අතර කිලෝමීටර් 160 ක පමණ දුරක් පැමිණීමෙන් අනතුරුව පිටවීම සඳහා ගැලණිගම පිවිසුමට පැමිණීමේ දී පොලිස් නිලධාරියාට ඇති වූ සැකයක් හේතුවෙන් ලොරි රථය නවතා පරික්ෂා කිරීමේදී මෙම ජාවාරම අනාවරණය කර ගැනීමට හැකිවූ බව පොලිසිය කියයි
අත්අඩංගුවට ගත් සැකකරු ගෙන් සිදුකළ ප්රශ්න කිරීමේදී මිද්දෙණියේ සිට මොරටු මුල්ලට මේවා ප්රවාහනය කරන බවට අනාවරණය කළ බව පොලිසිය කියයි
සැකකරු සමඟ සමග දැව කඳන් පටවා තිබූ ලොරිය අධිකරණය වෙත ඉදිරිපත් කිරීම සඳහා බණ්ඩාරගම පොලිසිය වෙත භාරදී ඇත