තුර්කියේ ඉස්තානාබුල් අගනුවර ටක්සිම් චතුරස්රයේදී 2022 වසරේ සිදුවූ බෝම්බ ප්රහාරය සම්බන්ධව අත්අඩංගුවට ගත් කාන්තාවකට තුර්කියේ මහාධිකරණය ජීවිතාන්තය දක්වා සිර දඬුවම් 7ක් සහ වසර 1800ක සිර දඬුවම් නියම කර ඇතැයි විදෙස් මාධ්ය වාර්තා කළේය. පුද්ගලයන් 6 දෙනකුට මරු කැඳවූ එම බෝම්බ ප්රහාරයෙන් තවත් පුද්ගලයන් 99දෙනකු තුවාල ලබා තිබිණි. සිර දඬුවම් නියම වූයේ අහ්ලම් අල් බෂීර් නමැති තරුණියකට වන අතර, ඇය අයිඑස් ත්රස්ත සංවිධානයේ සාමාජිකාවක බවට තොරතුරු හෙළි වී තිබිණි. මේ ප්රහාරයෙන් පසු තුර්කි පොලිසිය එරට අයිඑස් ත්රස්ත සාමාජිකයන් සොයා දැවැන්ත මෙහෙයුමක්ද ක්රියාත්මක කළ අතර, ජාතික ආරක්ෂාව සහ දේශසීමා පරිපාලනය පිළිබඳ අවධානය යොමු කරමින් ත්රස්ත ක්රියාකාරකම් මැඬපැවැත්වීමට තවත් පියවර රැසක් ගෙන ඇත.