බටහිර අප්රිකානු රටක් වන මාලි රාජ්යයේ බොහෝ පළාත්වල උෂ්ණත්වය සෙල්සියස් අංශක 48 ඉක්මවා ගොස් ඇතැයි ද, පවතින තත්ත්වය හේතුවෙන් දැඩි විදුලි කප්පාදුවක් සිදු කිරීමට රජයට සිදු වී ඇතැයි ද විදෙස් මාධ්ය වාර්තා කළේය. විදුලි කප්පාදුව හේතුවෙන් ජනතාවට සිය පිපාසය සංසිඳුවා ගැනීමට ශීත කළ ජලය සහ අයිස් කැට මිල දී ගැනීමට සිදුවී ඇති බවත්, මේ වන විට එරට වෙළෙඳපොළේ පාන් සහ කිරිවලට වඩා අයිස් මිල ඉහළ ගොස් ඇති බවත් විදෙස් මාධ්ය වැඩිදුරටත් වාර්තා කළේය. විදුලි කප්පාදුව හේතුවෙන් නිවැසියන්ට විදුලි පංකා ක්රියාත්මක කිරීමට නොහැකිවීමෙන් බොහෝ නිවැසියන්ට එළිමහනේ නිදා ගැනීමට සිදු වී ඇතැයි ද වැඩිදුරටත් වාර්තා වේ.
අධික උෂ්ණත්වයෙන් විජලනයට ලක්වීම හේතුවෙන් පුද්ගලයන් රැසක් රෝගාතූර වී රෝහල්ගත කිරිමට ද සිදු වී ඇති අතර, බොහෝ ප්රදේශවල පාසල් වසා දැමීමට පියවර ගෙන ඇතැයි ද විදෙස් මාධ්ය වැඩිදුරටත් වාර්තා කළේය.