ඉදිරි ජනාධිපතිවරණයේදී සමඟි ජන බලවේගයේ නායක සජිත් ප්රේමදාස මහතා ලක්ෂ 75ට වඩා ඡන්ද ලබාගෙන ජනාධිපතිවීම ස්ථිර බව සමඟි ජන බලවේගයේ දෙහිවල ගල්කිස්ස ප්රධාන සංවිධායක චන්න විකුම් මහතා පැවසීය. කළුබෝවිල සමගි ජන බලවේගයේ පක්ෂ කාර්යාලය පෙරේදා (28) පැවැති මාධ්ය හමුවකට එක්වෙමින් ඒ මහතා මේ බව සඳහන් කළේය.
වර්තමානයේ ශක්තිමත්ම පක්ෂය සහ ශක්තිමත්ම නායකයා සමඟි ජන බලවේගයේ නායක සජිත් ප්රේමදාස මහතා බව හෙතෙම කියා සිටියේය. ගමේ ජනතාවගේ එකම පැතුම සමඟි ජන බලවේගයේ නායක සජිත් ප්රේමදාස මහතා බව චන්න විකුම් මහතා වැඩිදුරටත් කීවේය.
චන්න විකුම් මහතා වැඩිදුරටත් මෙසේද පැවසීය.
ශ්රී ලංකා නිදහස් පක්ෂය මේ වන විට දෙකට තුනට කැඩිලා. පොදු ජන පෙරමුණ ජනාධිපති අපේක්ෂකයෙක් තෝරාගන්න බැරුව ඉන්නවා. ජනතා විමුක්ති පෙරමුණ පසුගිය මැතිවරණවලදී ලක්ෂ පහට වඩා අඩුවෙන් ගත්තේ. තව මොනවද ඒගොල්ලෝ ගැන කියලා වැඩක් නෑ. 88/89 වසරවල ජනතා විමුක්ති පෙරමුණ රටේ ආර්ථිකය නැති කර දැම්මා. ඒගොල්ලොන්ට රටේ ආර්ථිකය හදන්න මතක් වෙලා තිබෙන්නේ දැන්. රටේ ආර්ථිකය විනාශ කරපු කට්ටිය ආර්ථිකය හදන්න කතා කරනකොට ඒකම විහිළුක්. මේ සියලු පක්ෂවලට වඩා සමඟි ජන බලවේගය ශක්තිමත්. අපේ කණ්ඩායමේ හොඳ ආර්ථික විශේෂඥවරු, රටක් පාලනය කරන්න පුළුවන් හොඳ නායකයෙක් ඉන්නවායිද පැවසීය.
නුවන් කොඩිකාර