57
පාණදුර, පරත්ත ප්‍රදේශයේ සංගීත සංදර්ශනයක් අතරතුර සිදු වූ කතාබහක් දුරදිග ගොස් පුද්ගලයකු විසින් තියුණු ආයුධයකින් ඇන 17 හැවිරිදි තරුණයකු ඝාතනය කර ඇතැයි පාණදුර උතුර පොලිසිය පවසයි.
පාණදුර, පරත්ත, රිව්දෙව්ගම ප්‍රජා ශාලාව අසල පෙරේදා (04) රාත්‍රියේ පැවැති සංගීත සංදර්ශනය නැරඹීමට පැමිණි මෙම තරුණයා තවත් තරුණයකු සමඟ ඇති වූ කතාබහත් දුරදිග ගොස් රාත්‍රී 1.30ට පමණ මෙම සිද්ධිය සිදුවී ඇතැයි පොලිසිය පවසයි.
තුවාල ලැබූ තරුණයා පානදුර මූලික රෝහලට ඇතුළත් කිරීමෙන් පසු මියගොස් ඇති අතර සැකකරු ඝාතනයට යොදාගත් පිහිය ද සමඟ අත්අඩංගුවට ගෙන තිබේ.
මෙසේ අත්අඩංගුවට ගෙන ඇත්තේ පරත්ත ප්‍රදේශයෙන් පදිංචි 21 හැවිරිදි තරුණයෙකි.
සිද්ධිය පිළිබඳ ඉදිරි විමර්ශන පාණදුර උතුර පොලිසිය පවත්වයි.
හල්තොට සමූහ - විනීතා මානෙල් ගමගේ