නීති විරෝධී මත්පැන් සහ මත්ද්රව්ය අලෙවි කිරීමෙන් උපයා ගත්තේ යැයි කියන රුපියල් කෝටියකට වැඩි වටිනාකමක් ඇති වාහන 4ක් මුදල් විශුද්ධිකරණය වැළැක්වීමේ පනත යටතේ පොලොන්නරුව කොට්ඨාස අපරාධ විමර්ශන අංශයේ පොලිස් නිලධාරීන් කණ්ඩායමක් විසින් ඊයේ (5) උදේ අත්අඩංගුවට ගෙන ඇත.
මෙසේ පොලිස් භාරයට ගෙන ඇත්තේ කැරවන් වෑන් රියක්, ත්රිරෝද රථයක්, පල්සර් වර්ගයේ යතුරුපැදියක් සහ හීරෝ යතුරුපැදියක් බව වැටලීම කළ පොලිස් නිලධාරියෙක් සඳහන් කළේය. මේ වාහනවල වටිනාකම රුපියල් කෝටියක් පමණ වන අතර, සැකකරු හිඟුරක්ගොඩ දොරදෙක ප්රදේශයේ පදිංචිකරුවකු බව පොලිසිය කියයි.
පොලොන්නරුව ජ්යෙෂ්ඨ පොලිස් අධිකාරි නිශාන්ද සිල්වා, සහකාර පොලිස් අධිකාරී චානක ද සිල්වා යන මහත්වරුන්ගේ උපදෙස් පරිදි කොට්ඨාස අපරාධ විමර්ශන අංශයේ ස්ථානාධිපති (ප්ර.පො.ප) ඒ.ටී. බණ්ඩාර, (උ.පො.ප) කේ.කේ. සමානන්ද (පො.සැ) 68973 අතාවුද, 42229 රංග කුමාර, 71750 චින්තක, 70411 මහේෂ්, 6705 කුමාර, (පො.කො) 46679 සිල්වා, 95742 ආනන්ද යන නිලධාරීන් විසින් මේ වැටලීම සිදු කර තිබිණි. අත්අඩංගුවට ගත් වාහන වැඩිදුරටත් පරීක්ෂණ පැවැත්වීම සඳහා හිඟුරක්ගොඩ මූලස්ථාන පොලිසියට භාර දී තිබේ.
ඇළහැර - සරත් වෙලගෙදර