විදෙස් සංචාරකයන්ට වීසා දීමට කිසිදු සමාගමකට පවරා නැති බව ආගමන විගමන පාලක ජනරාල් හර්ෂ ඉලුක්පිටිය මහතා පැවසීය.
VFS-IVS GBS ග්ලෝබල් ආයතනය සම්බන්ධ වනුයේ විදෙස් සංචාරකයන්ගේ විසා අයදුම් මාර්ගගතව එවීමට බව සඳහන් කළ ආගමන විගමන පාලක ජනරාල්වරයා එසේ එවනු ලබන අයදුම්පත් පිළිබඳ තීරණ ගනු ලබන්නේ දෙපාර්තමේන්තුව යැයි ද පැවසීය.
එම වැඩසටහන මඟින් සංචාරක ක්ෂේත්‍රයට විශාල ශක්තියක් ලැබෙන බව කී හර්ෂ ඉලුක්පිටිය මහතා වර්ෂයකට අලුතෙන් සංචාරකයන් මිලියනයකට ආසන්න ප්‍රමාණයක් ගෙන ඒමේ ඉලක්කයක් මේ අනුව ක්‍රියාත්මක වන බව ද කීය. ඒ අනුව 2025 වන විට සංචාරකයන් මිලියන තිහක් පමණ ගෙන ඒම සඳහා ඔවුන් එකඟ වී තිබෙන බව ද ඔහු තවදුරටත් සඳහන් කළේය. සංචාරක කර්මාන්තය ප්‍රවර්ධනය මෙහි අරමුණ යැයි ද ඔහු පැවසීය.
සංචාරකයන් සඳහා වීසා ලබා දෙනවා ද වීසා ලබා දෙනුයේ කුමන ආකාරයකින් ද යන්න පිළිබඳ සියලු තීන්දු තීරණ ගනු ලබන්නේ පෙර පරිදිම ආගමන විගමන දෙපාර්තමේන්ත යැයිද ඔහු තව දුරටත් සඳහන් කළේය.
උපාලි කරුණාරත්න
