පාකිස්තානයේ නව රජය විදුලි බිල විශාල ලෙස වැඩි කිරීමට සැලසුම් කර ඇතැයි විදෙස් මාධ්ය වාර්තා කළේය. මීට මාසයකට පෙර විදුලි ඒකකයක මිල පාකිස්තාන රුපියල් 7.50කින් ඉහළ දැමූ රජයඉදිරියේදී නැවත ඒකකයක මිල රුපියල් 5.00කින් ඉහළ දැමීමට යෝජනා කර ඇතැයි විදෙස් මාධ්ය වැඩිදුරටත් වාර්තා කළේය. වසරක් ඇතුළත පාකිස්තානයේ විදුලි බිල දෙගුණයකින් වැඩි වී ඇති අතර, එය දැනටමත් උද්ධමනයකින් පීඩාවට පත්ව සිටින එරට ජනතාවට දැරිය නොහැකි ආර්ථික දුෂ්කරතාවක් වනු ඇතැයි වාර්තා වේ.
පාකිස්තාන ජාතික විදුලි බල නියාමන අධිකාරිය මේ වසරේ ජනවාරියේදී විදුලි ඒකකය රුපියල් 7.50කින් ඉහළ දමා ඇත්තේ ජනතා විරෝධය මැද බවත්, මැතිවරණයෙන් පසු නැවත වරක් රුපියල් 5කින් මිල ඉහළ දැමීම නිසා තවදුරටත් ජනතා විරෝධය ඉස්මතු වීමේ අවදානමක් නිර්මාණය වී ඇති බවත් වැඩිදුරටත් වාර්තා වේ. විදුලි බිල ඉහළ දැමීම එරට නිවැසියන්ට පමණක් නොව ව්යාපාරික හා කාර්මික මෙහෙයුම්වලට ද දැඩි ලෙස බලපානු ඇතැයි වාර්තා වේ. පසුගිය පෙබරවාරියේදි පාකිස්තානයේ උද්ධමනය 32.73% කට ආසන්න වූ බවත්, නව රජය පිහිටුවීමෙන් පසු සතියකට 1.35% බැගින් උද්ධමනය ඉහළ යමින් පවතින බවත් වැඩිදුරටත් වාර්තා වේ.