කැනඩා ඉතිහාසයේ විශාලතම රන් ජාවාරම හසු කරගැනීමට එරට පොලිසිය සමත් ව ඇත.
පසුගිය වසරේ දී ටොරොන්ටෝ නුවර පියර්සන් ගුවන්තොටුපොළෙන් සොරා ගත් අමෙරිකානු ඩොලර් මිලියන 14ක් වටිනා රන් පොලු 6,500ක් සමඟ මිලියන ගණනාවක මුදල් තොගයක් අත්අඩංගුවට ගැනීමට පසුගියදා කැනඩාවේ පොලිසියට හැකි වී ඇතැයි විදෙස් මාධ්ය වාර්තා කරයි.
ඒ සමඟම කැනඩාවේදී භාවිත කිරීමට සැලසුම් කර තිබු අවිආයුධ තොගයක් සමඟ සැකකරුවකු අමෙරිකාවේ දී අත්අඩංගුවට පත් වී ඇත.
සංවිධානාත්මක අපරාධ කල්ලියක් විසින් මේ රන් ජාවාරම සහ අවි ජාවාරම සිදු කර ඇතැයි කැනඩාවේ පොලිසිය ප්රකාශ කර තිබේ. සෝදිසි වරෙන්තු මත වැටලීම් සිදු කරමින් එම අපරාධය අනාවරණය කරගත් බව වැඩිදුරටත් සඳහන් කර ඇත.
පසුගිය බදාදා, පොලිසිය කොල්ලකෑමට සම්බන්ධ සැකකරුවන් නව දෙනෙකු නම් කළ අතර ඔවුන් මුහුණ දෙන චෝදනා විස්තර කළේය.
සැකකරුවන්ගෙන් පස් දෙනෙකු කැනඩාවේදී අත්අඩංගුවට ගෙන නඩු විභාගයක් පැවැත්වෙන තෙක් ඇප මත මුදා හැර ඇති බව පොලිසිය පවසයි.
ඔන්ටාරියෝ හි බ්රැම්ප්ටන් ප්රදේශයෙන් පැමිණි එක් අතිරේක සැකකරුවෙකු නීතිවිරෝධී ගිනි අවි කිහිපයක් සමඟ සොයා ගැනීමෙන් පසු පෙන්සිල්වේනියා ප්රාන්තයේදී අත්අඩංගුවට ගෙන ඇත. එම පුද්ගලයා එක්සත් ජනපදයේ අත්අඩංගුවේ පසුවේ.
ඉතිරි සැකකරුවන් තිදෙනා අත්අඩංගුවට ගැනීමට කැනඩාව පුරා වරෙන්තු නිකුත් කර ඇත.
බලධාරීන්ට අනුව, සොරකම් කරන ලද රත්රන් පළමුන්වෙන්ම ගුවන් යානයකට පටවා ඇති අතර පසුව භාණ්ඩ ගබඩා කිරීමේ පහසුකමක ආරක්ෂිතව ගබඩා කර ඇත.