පොහොසත් රටක් හදන්න නම් පන්සලත් එක්ක තිබෙන සම්බන්ධය වැඩි විය යුතු බව ඩී.පී.එඩියුකේෂන් නිර්මාතෘ සහ සභාපති ධම්මික පෙරේරා මහතා ප්‍රකාශ කළේය.
සමස්ත ශ්‍රී ලංකාවම ආවරණය වන පරිදි දුවා දරුවන් ඇතුළු ශ්‍රී ලාංකිකයන්ගේ ඩිජිටල් සාක්ෂරතාව වර්ධනය කිරීම, සන්නිවේදන සහ චින්තන කුසලතාවන් වර්ධනය කිරීම, අනාගතයේ තොරතුරු තාක්ෂණ ක්ෂේත්‍රයේ රැකියා අවස්ථා විවර කරදීම අරමුණු කර ගනිමින් “ඩී.පී. එඩියුකේෂන් අයි.ටී. කැම්පස්” ව්‍යාපෘතිය ශ්‍රී ලංකාවේ ප්‍රමුඛ ව්‍යාපාරික ධම්මික පෙරේරා මහතා විසින් ආරම්භ කරන ලදී. මේ වන විට ආසියාවේ අංක එකේ හොඳම තොරතුරු තාක්ෂණ විශ්වවිද්‍යාලයට බවට පත්ව ඇත්තේද මේ ඩී. පී. එඩියුකේෂන් අධ්‍යාපනික ව්‍යාපෘතියයි.
මේ ව්‍යාපෘතිය යටතේ අධ්‍යාපනය හැදෑරූ සිසුන්ට සහතික පත්‍ර ප්‍රදානය කිරීමේ උත්සවයක් පෙරේදා (28) මාතර මහින්ද විජේසේකර ක්‍රීඩාංගණයේදී පාලටුව බෞද්ධ පිරිවෙන් විහාරාධිපති ගැටමාන්නේ ගුණානන්ද නායක හිමිගේ අනුශාසකත්වයෙන් සහ ඩී.පී. එඩියුකේෂන් නිර්මාතෘ සහ සභාපති ධම්මික පෙරේරා මහතාගේ ප්‍රධානත්වයෙන් පැවැත්විණි.
එහිදී වැඩිදුරටත් ධම්මික පෙරේරා මහතා මෙසේද පැවසීය.
ලෝකයේ සෑම විශ්වවිද්‍යාලයකම අවම අවුරුදු තුනක්වත් අවශ්‍යයි. පාඨමාලාවක් අවසන් වෙලා රැකියාවක් කරන මට්ටමකට එන්න. හැබැයි මගේ මේ විශ්වවිද්‍යාලයෙන් ඉගෙන ගෙන අවුරුද්දකින් එළියට එන්නෙ හොඳ රැකියාවක් කරන්න පුළුවන් ළමයෙක්. අපේ ව්‍යාපෘති 100ක් ඉවර කරනවා කියන්නෙම රුපියල් මිලියනයක් පාඨමාලාවක් හදාරා අවසානයි කියන එකයි.
ජයසිරි මුණසිංහ