කලක් තිස්සේ නාඋල පොලිසිය සිදු කළ මෙහෙයුම් හේතුවෙන් අඩාළ වී තිබූ පැණි පුවක් හා මදන මෝදක හා මාවා ඇතුළු මත් විශේෂ ගනුදෙනුකරුවන්ට ඔන්ලයින් හරහා ලබා දීමේ ජාවාරමක් ක්‍රියාත්මක බැවි නාඋල නගරවාසීහු පවසා සිටිති.
පසුගිය සමයේ දී නාඋල පොලිසියේ නිලධාරින් විසින් සිදු කරන ලද දීර්ඝ විමර්ශනවල ප්‍රතිඵලයක් ලෙස නගරය ආශ්‍රිතව අ‍ෙලවි වූ පැණි පුවක් වැනි මත් විශේෂ අ‍ෙලවිය සම්පූර්ණයෙන්ම නැවතී තිබිණි.
නමුත් අලුත් අවුරුදු සමය ඉලක්ක කර මත් ජාවාරමුන් හඳුන්වා දී ඇති මුදල් යැවීමේ ක්‍රමවේද හරහා සහ කුරියර් සේවා ඹස්සේ ඔන්ලයින් ක්‍රම ඔස්සේ විවිධ මත්ද්‍රව්‍ය රැගෙන විත් මේ වන විට බෙදාහැරීම් සිදු වන බවත් ඇතැමෙක් ඔන්ලයින් ඔස්සේ පෞද්ගලිකවම විවිධ මත්ද්‍රව්‍ය ගෙන්වා ගෙන භාවිතයට ගන්නා බැව් නාඋල නගරවාසීහු පවසා සිටිති.
පොලිසිය නිරන්තරව සිදුකරන සෝදිසි කිරීම් හේතුවෙන් මත්ද්‍රව්‍ය රැගෙන යාම හා අ‍ෙලවි කිරීම සිදු කළ නොහැකි තත්ත්වයක් ඇතිවී ඇති පසුබිමක වෙනත් විවිධ ක්‍රම යොදාගනිමින් සංවිධානාත්මකව සිදුකරනු ලබන මත්ද්‍රව්‍ය වෙළෙඳාම පිළිබඳව ක්ෂණික තොරතුරු ආරක්ෂක අංශ වෙත ලබාදිය හැකි බවත්, ඔනෑම තොරතුරක් ලද සැණින් ක්‍රියාත්මක වීම සඳහා විශේෂ පොලිස් කණ්ඩායම් නිරන්තර සූදානමින් පසුවන බවත් මේ සම්බන්ධයෙන් කළ විමසීමක දී නාඋල පොලිසිය පවසා සිටියේය.
නාඋල සමූහ