මුලතිව් ඉරණපාලෙයි ශිවනගර් ගම්මානයේ පිහිටි ලී මඩුවකදී සේවකයෙකු විසින් ලී මෝල අයිතිකරුට පහර දීම නිසා ඔහු බරපතළ තුවාල ලබා පෙරේදා (28) රාත්රී යාපනය ශික්ෂණ රෝහලට අතුළත් කොට තිබේ.
සේවකයා රාත්රියේ දී බීමතින් ලී මඩුවට නිදා ගැනීම පිණිස පැමිණි අවස්ථාවේදී එහි අයිතිකරු ඔහුට රාත්රියේ වැඩ කරන ලෙස දැනුම් දී තිබේ.
එය සේවකයා විසින් ප්රතික්ෂේප කිරීම නිසා දෙදෙනා අතර බහින්බස් වීමක් සිදුව ඇත.
පසුව සේවකයා විසින් ලී මඩුවේ තිබූ පොල්ලකින් එහි හිමිකරුට සිහි මූර්ඡා වන තුරුම පහර දී ඇත.
පහර දුන් සේවකයා විසින්ම වාහනයක් ගෙන්වා ලීමෝලේ හිමිකරුව මුලතිව් පුදුකුඩිඉරිප්පු රෝහලට ඇතුළත් කොට සෙසු සේවකයින්ට ඒ බව දැනුම් දී තිබේ.
තුවාලකරුගේ තත්ත්වය ඉතාම බරපතළ බැවින් ඔහුව යාපනය ශික්ෂණ රෝහල වෙත මාරු කොට යවා ඇත.
පහර දීමෙන් පසුව ඒ බව සෙසු සේවකයින්ට දැනුම් දුන් සේවකයා මුලතිව් ප්රදේශයෙන් පලා යාමට උත්සාහ කළ අවස්ථාවේදී පුදුකුඩිඉරිප්පු පොලිසිය විසින් එම සැකකරුව මුලතිව් සිලාවත්ත ප්රදේශයේදී අත්අඩංගුවට ගෙන තිබේ.
උතුරු පළාත් විශේෂ රසුල දිල්හාර ගමගේ