රත්නැල්ල, මහඅස්සැද්දුම සහ තෝරපිටියේ ප්රදේශවාසීහු දැඩි පීඩාවක
ජලය විෂබීජහරණයට ක්රමවේදයක් ඉල්ලයි
විසඳුම් යෝජනාවට ප්රතිපාදන හා අනුමැතිය ලද වහා ගැටලුව විසඳනවා – මිනිපේ ප්රාදේශීය සභාවේ ලේකම්
පිරිසුදු ජලය බිඳක් පානය කිරීමට නොමැතිකමින් මිනිපේ ප්රාදේශීය සභා බල ප‍්‍රදේශයේ පිහිටි රත්නැල්ල, මහඅස්සැද්දුම සහ තෝරපිටිය යන ග‍්‍රාම නිලධාරී වසම් තුනේ ජනතාව වසර ගණනාවක සිටම පීඩා විඳින බව එම ප්රදේශවාසීහු පෙන්වා දෙති.
හසලක ඔයේ සිට ඇල්දම්පෝරුව වැව කරා ජලය එන වාරි ඇළ මාර්ගය ස්ථාන තුනකදී හරස් කර මෙම ගම්මානවල ජනතාවට ජලය ලබා දීමට කටයුතු කර තිබේ.
රත්නැල්ල ගොවි සංවිධානය, අක්කරකොලනිය ජල සමිතිය සහ මිනිපේ ප්රාදේශීය සභාව යන අංශ විසින් ව්‍යාපෘති තුනක් මඟින් මෙම ජල සැපයුම් ලබා දී තිබේ.
හසලක ඔයේ සිට ඇල්දම්පෝරුව වැවට ජලය සපයනු ලබන කිලෝමීටර් තුනක පමණ දුර ඇති මෙම ජල මාර්ගයට ඉහළින් ඇත්තේ රත්නැල්ල 
රක්ෂිත වනාන්තරයයි. මහඇළ ආසන්නයේ පදිංචි ජනතාව සහ රත්නැල්ල දිය ඇල්ල නැරඹීමට පැමිණෙන දෙස් විදෙස් සංචාරකයන් මෙම මහ ඇළේ ජලය විවිධ අවශ්‍යතාවයන් සඳහා ද භාවිතයට ගනී. දිය ඇල්ල නැරඹීමට පැමිණෙන බොහෝ සංචාරකයන්ගේ අනුවණ ක‍්‍රියා හේතුවෙන් පාරිසරික හානි මෙන්ම ජලය දූෂණය වීම සිදුව ඇති බවට ද ප්රදේශවාසීහු චෝදනා කරති.
මහ ඇළ ආරම්භ වන ස්ථානයේ සිට ඉහළ වනාන්තර ප‍්‍රදේශයේදී මිය යන වන සතුන්ගේ අපද්‍රව්‍ය මෙන්ම වනයේ ජීවත්වන සතුන්ගේ මලපහ ඇතුළු වෙනත් කොටස් ගස්වල කඳන් හා දිරාපත්ව තිබෙන කොළ වර්ෂා ජලයට හසුවී පහළ ඇළ මාර්ගයට ගලා එන අතර, එම ජලය කිසිදු පිරිසුදු කිරීමකින් තොරවම නළ මඟින් තමන්ගේ නිවෙස්වලට ලැබෙන බවද පාරිභෝගිකයෝ සඳහන් කරති. ගොවි සංවිධානයේ පාලනය යටතේ පවුල් 106ක්, අක්කරකොලනිය ජල සමිතිය යටතේ පවුල් 150ක් සහ ප්රාදේශීය සභාවේ පාලනය යටතේ ඇති ව්‍යාපෘතිය මඟින් පවුල් 200ක් පමණ වශයෙන් මෙම වසම් තුනේ පාරිභෝගික පවුල් සංඛ්‍යාවක් සිටින බව වාර්තා වේ.
රත්නැල්ල ගොවි සංවිධානයේ භාණ්ඩාගාරික ඒ. එම්. පී. ජී. විජේරත්න මහතා මේ සම්බන්ධයෙන් අදහස් දක්වමින් මෙසේ කියා සිටියේය.
Òඇල්දම්පෝරුව වැවට ජලය සැපයෙන මහ ඇළෙන් දැනට සංවිධාන දෙකක් හා සභාවේ පාලනය යටතේ ග‍්‍රාම සේවා වසම් තුනක ජනතාවට ජල සැපයුම් ලබා දී තිබෙනවා. නමුත් මේ ජලය පානය කිරීමට තරම් සුදුසු තත්ත්වයක නැහැ. මෙවැනි ජලය පිරිසුදු කිරීමකට ජල පෙරනයක් ගැනීමට හෝ විෂබීජහරණය කිරීමට සුදුසු ටැංකියක් සැකසීමට අපටවත් අක්කරකොලනිය ජල සමිතියටවත් වත්කමක් නැහැ. එම නිසා අප යෝජනා කරන්නේ මෙම ජල යෝජනා ක්රම තුනටම වෙන වෙනම හෝ ජලය පිරිසුදු කිරීමට ජල පෙරන සකස් කර එම ජලය විෂබීජහරණය කිරීමට අවශ්‍ය යෙදවුම් යෙදීමට ක්රමවේදයක් සකස් කරන ලෙසයි. එහෙම නැතිනම් මේ සියල්ල එක ව්‍යාපෘතියක් බවට පත් කර එය සභාවට ගෙන එක ටැංකියක් සකස් කර මේ යෝජනාව ක‍්‍රියාත්මක කරන ලෙසත් ඉල්ලා සිටිනවා.Ó
ගොවි සංවිධානයේ ලේකම් ඩී. එම්. තිලකරත්න මහතා දැක්වූයේ මෙවන් අදහසකි.
Òරත්නැල්ල ව්‍යාපාරය යටතේ අක්කර 300කට වැඩි වපසරියකට ජලය සපයන්නේ මේ මහ ඇළේ එන ජලයෙනුයි. හසලක ඔයේ ජලය අඩුවන විට මහ ඇළේ එන්නෙත් බොහොම අඩු ජල ප‍්‍රමාණයක්. මේ එන ජලය ස්ථාන තුනකින් පිටවුණු පසු ගොවියාගේ වගාවට අවශ්‍ය ජලය ඇල්දම්පෝරුව වැවට ලැබීමේ අඩුවක් තිබෙනවා. එවැනි අවස්ථාවල ගොවි සංවිධාන සහ මේ ජල පාරිභෝගිකයා අතර යම් යම් මත ගැටුම් පවා සිදු වෙනවා. කෙතට අවශ්‍ය ජලය නොලැබුණොත් ගොවි පවුල්වල සාමාජිකයන් කුසගින්නේ වගේම ඔවුන්ගේ ආර්ථිකයටත් දැඩි හානි සිදු වෙනවා. එම නිසා මේ ගැන ගැඹුරින් හිතන්න වෙනවා.Ó
මෙම ජල ගැටලුව සම්බන්ධයෙන් අදහස් දැක්වූ මිනිපේ ප්රාදේශීය සභාවේ ලේකම් නිමල් චන්ද්‍රසිරි මහවත්ත මහතා සඳහන් කළේ, මෙම ජල ප‍්‍රශ්නයට විසඳුම් ලබා දීමේ යෝජනාවක් ඉදිරි සම්බන්ධීකරණ කමිටුවට ඉදිරිපත් කර සාකච්ඡා කිරීමටත්, අවශ්‍ය ඇස්තමේන්තුවක් සකස් කර එය පළාත් සභාවටත් ආණ්ඩුකාරවරයා වෙත ඉදිරිපත් කිරීමටත් අපේකෂා කර අවශ්‍ය ප්රතිපාදන හා අනුමැතිය ලද වහාම අවශ්‍ය කටයුතු කරන බවයි.
හසලක සමූහ - ඊ.එම්.එස්. ඒකනායක
