මුලතිව් සිට යාපනය බලා ධාවනය වෙමින් තිබූ ලංගම බස් රථයකින් කසිප්පු ලීටර් 48ක් ගමන් මලුවල දමාගෙන ප්රවාහනය කරමින් සිටි පුද්ගලයින් දෙදෙනෙක් ධර්මපුරම් පොලිසිය විසින් පෙරේදා (28) අත්අඩංගුවට ගනු ලැබූහ.
මේ දෙදෙනා පුදුකුඩිඉරිප්පු ප්රදේශයෙන් බස් රථයට ගොඩ වී ඇති අතර පොලිසිය එම බස් රථය පරීක්ෂා කිරීමේදී එක් ගමන් මල්ලක තිබී කසිප්පු තොගයක් හමු වී තිබේ. එම සැකකරු පොලිසිය විසින් අත්අඩංගුවට ගැනීමේදී තවත් පුද්ගලයකු සිය ගමන් මල්ලද රැගෙන බස් රථයෙන් බිමට බැස පලා යාමට උත්සාහ කළ අවස්ථාවේදී පොලිසිය ලුහුබැඳ ගොස් ඔහුව අත්අඩංගුවට ගෙන ඔහුගේ ගමන් මල්ල පරීක්ෂා කිරීමේදී එම ගමන් මල්ලේද කසිප්පු පැකැට් තොගයක් තිබී ඇත.
අත්අඩංගුවට ගත් දෙදෙනාගේම ගමන් මලු දෙකේ කසිප්පු ලීටර් 48ක් තිබී ඇති අතර ඔවුන් දෙදෙනා මේ ජාවාරම කාලයක් තිස්සේ කරගෙන ගොස් ඇති බවට පොලිසියට තොරතුරු ලැබී තිබේ. ධර්මපුරම් පොලිසිය විසින් කසිප්පු ප්රවාහනය කළ බස් රථයද අත්අඩංගුවට ගෙන ඇති අතර සැකකරුවන් මුලතිව් අධිකරණයට ඉදිරිපත් කිරීමට පියවර ගෙන තිබුණි.
උතුරු පළාත් විශේෂ රසුල දිල්හාර ගමගේ