දිගන නගරයට මත්පැන්හල් එපා කියා ඊයේ (29) රජවැල්ල රන්තැටිපොකුණ රජවාලුකාරාම විහාරස්ථානයේ සිට පිරිසක් පෝස්ටර් රැගෙන පැමිණ අලුතින් විවෘත කළ මත්පැන්හල අසල පැය දෙකක පමණ කාලයක් විරෝධතාවක නිරත වූහ.
රන්තැටිපොකුණ, රාජවාලුකාරාම විහාරාධිපති පිල්හත මහානාම හිමි හා බලගොල්ල බෞද්ධ මධ්‍යස්ථානාධිපති තල්පොත ධම්මාලෝක හිමිද මෙහිදි බාර් එපා යැයි කියමින් උද්ඝෝෂණයට එක්ව සිටියහ. උන්වහන්සේ කියා සිටියේ, දිගන යනු සාමකාමී නගරයක් බවත්, තිබෙන බාර් එකට අමතරව තවත් එකක් විවෘත කර ඇති බැවින් ගම්දනව්වල අහිංසක ජනතාව දැඩි ලෙස මත්පැන්වලට ගොදුරුව සිටින බවද පෙන්වා දුන්හ.
කෙසේ වෙතත් මෙහිදී තවත් පිරිසක් පෝස්ටර් ප්‍රදර්ශනය කරමින් දිගනට බාර් අවශය බව සඳහන් කර සිටියහ. පොලිස් නිලධාරීන් රැසක් පැමිණ හරස් කළ මාර්ගයේ රථ වාහන ගමනාගමනයට පහසුකම් සැලස්වීමට පියවර ගත්හ. තෙල්දෙණිය පොලිසිය ප්‍රදේශයට ආරක්ෂාව සලසා තිබිණි.
කරල්ලියද්ද සමූහ - කේ. විජේසිරි නිශ්ශංක
