ශ්රී ලංකාවේ තැපැල් මුද්දරවල ඉතිහාසය සහ ලෝකයේ ප්රථම තැපැල් මුද්දරය පිළිබඳ පාසල් ළමුන් දැනුම්වත් කිරීම සහ විනෝදාංශයක් වශයෙන් තැපැල් මුද්දර එකතු කිරීම පිළිබඳ පාසල් ළමුන් සහ වැඩිහිටියන් උනන්දු කිරීමේ අරමුණ ඇතිව තැපැල් මුද්දර ප්රදර්ශනයක් ඉකුත් 27 වැනි දින අම්බලන්ගොඩ මාදම්පා මධ්ය මහා විද්යාලයේදී පැවැත්විණි.
දකුණු පළාත් නියෝජ්ය තැපැල්පති රවීන්ද්ර ගුණරත්න මහතාගේ උපදෙස් අනුව මෙම ප්රදර්ශනය අම්බලන්ගොඩ තැපැල් ස්ථානාධිපති පී.එච්.බී.තිලකසිරි මහතා විසින් සංවිධානය කරනු ලැබ තිබුණි. මේ සඳහා අම්බලන්ගොඩ තැපැල් කලාපයේ උප තැපැල් ස්ථානාධිපතිවරුන්ගේ පූර්ණ සහාය ද ලැබුණු බව අම්බලන්ගොඩ තැපැල් ස්ථානාධිපතිවරයා පැවසීය.
ප්රදර්ශනය නැරඹීම සඳහා ළමුන් විශාල පිරිසක් ද පැමිණ සිටියහ. 1857 අප්රේල් මස 1 වැනි දින ලෝකයේ මුල් වරට නිකුත් කළ එළිසබෙත් මහ රැජනගේ උඩුකය සහිත තැපැල් මුද්දරය ද මෙහිදී දැක ගත හැකි විය. එම මුද්දරයේ වටිනාකම පැන්ස එකක් බව එහි සඳහන්ව තිබුණි.
අම්බලන්ගොඩ සමූහ - ආර්. ඤාණදාස