වී ගොවිතැන සඳහා ටැක්ටර් යන්ත්ර ලබා ගැනීමේදී පෞද්ගලික අයිතිකරුවන් පවත්වාගෙන යන අධික මිල ඒකාධිකාරය වහා නතර කිරීමට පියවර ගන්නැයි ගාල්ල අතිරේක ලේකම් (ඉඩම්) අයේෂා කාරියවසම් මහත්මිය ගාල්ල සහකාර ගොවිජන සේවා අධ්යක්ෂවරයාට උපදෙස් ලබා දුන්නාය.
මෙවර එතුමියගේ ප්රධානත්වයෙන් පැවැති ගාල්ල දිස්ත්රික් කෘෂිකර්ම කමිටුවේදී ඇය මේ බව පැවසුවාය. ගොවියන් වෙත මෙම යන්ත්ර ලබා දීමේදී අධික මුදල් අය කරන බැවින් වී ගොවිතැන ගොවීන්ට එපා වී ඇතැයි පෙන්වා දුන් ඒ මහත්මිය, මේ වන විටත් ගොවිජන සේවා දෙපාර්තමේන්තුවටත්, ගොවි සංවිධානවලටත් රජයෙන් මෙවැනි යන්ත්ර ලබා දී ඇති නිසා මෙම යන්ත්ර ගොවිතැන් කරන ගොවීන් වෙත ඉතා සහනදායී මිලකට ලබා දීමට පියවර ගන්නැයි ද අතිරේක දිසා ලේකම්වරිය කියා සිටියාය.
ගාල්ල දිසා සමූහ - නන්දසිරි වැලිගමගේ