රටේ ජනගහනයෙන් සියයට දහයක් පමණ දෙනා කුමන හෝ වකුගඩු රෝගයකින් පෙළෙන බවත්, දියවැඩියා රෝගය මෙයට ප්රධාන හේතුව බවත් වකුගඩු රෝග පිළිබඳ විශේෂඥ වෛද්ය සංජය හෙයියන්තුඩුව මහතා පැවසීය.
වර්තමානයේ කුඩා දරුවන් පවා වයස් භේදයකින් තොරව වකුගඩු රෝගයට ගොදුරු වී තිබෙන බවද ඒ මහතා කීය. ඒ මහතා මේ බව කියා සිටියේ, ගාල්ල කරාපිටිය වකුගඩු රෝග සංගමය මගින් සංවිධානය කොට අම්බලන්ගොඩ මාදම්පාගම ඉඩම්තොටදී පැවැති වකුගඩු රෝගීන්ගේ අවුරුදු උත්සවයක ප්රධාන අමුත්තා වශයෙන් සහභාගී වෙමිනි. වකුගඩු රෝගීන්, වකුගඩු ප්රදානය කළ අය සහ වකුගඩු රෝගයෙන් සුව වූවන්ගේ පවුල්වල අයගේ සහභාගීත්වයෙන් මෙම අවුරුදු උලෙළ පැවැත්විණි.
තවදුරටත් කරුණු දැක්වූ ඒ මහතා මෙසේ ද කීය.
වකුගඩු රෝග කිහිපයක් තිබෙනවා. මෙම රෝගය ඇතිවීමට ප්රධාන හේතුව දියවැඩියා රෝගය, අධික රුධිර පීඩනය, මුත්රා සමඟ ප්රෝටීන් පිටවීම, වකුගඩුවල ගල් ඇති වීම, පරම්පරාගත වකුගඩු රෝග හා හඳුනානොගත් ආදී වශයෙන් රෝග කිහිපයක් තිබෙනවා. උතුරු මැද, වයඹ ආදී ප්රදේශ කිහිපයක සී.කේ.ඩී.යූ. නමැති රෝගය බහුල වශයෙන් දක්නට තිබෙනවා. එයට හේතු වන්නේ කිවුල් වතුර හා රසායනික පොහොර භාවිතයයි. දැනට දියවැඩියා රෝගය ද වැඩි වීමක් දකින්නට තිබෙනවා. විශේෂයෙන්ම වැරදි ආහාර රටා, මානසික ආතතිය, ව්යායාම් අඩුකම වකුගඩු රෝග ඇති වීමට ප්රධාන හේතු වෙනවා. වකුගඩු ප්රදානය කරන පිරිස අඩුයි. බස්නාහිර පළාතේ දියවැඩියා රෝගීන්ගේ වැඩි වීමක් තිබෙනවා. එයට හේතුව විශේෂයෙන්ම කෑම බීමයි. ක්ෂණික කෙටි කෑම වර්ග හා ව්යායාම් අඩු වීමයි. වකුගඩු රෝගය හැදුණු අය, වකුගඩු බද්ධ කළ අයගේ පවුල්වල අය දැඩි පීඩනයකින් ඉන්නේ. ඒ පීඩනය යම් ප්රමාණයකින් අඩු කිරීමටයි ඒ අය සම්බන්ධ කරගෙන මෙවැනි උත්සව සංවිධානය කරන්නේ. ”
මෙම අවස්ථාවට කරාපිටිය වකුගඩු රෝග සංගමයේ සභාපති කරුණාදාස වීරරත්න, ගම්පහ වික්රමාරච්චි ආයූර්වේද විශ්වවිද්යාලයේ කථිකාචාර් ය නාලක ජයසේන, බස්නාහිර පළාත් මානව හිමිකම් කොමිෂන් සභාවේ අධ්යක්ෂ ආචාර්ය සිංහ ජීව සුදත්, ගේට්වේ අධ්යාපන ආයතනයේ කළමනාකාර අධ්යක්ෂ සිංහ රංජිත් ජයතිලක හා ඩීන් ද සිල්වා යන මහත්වරු ඇතුළු පිරිසක් සහභාගී වූහ.
අහුන්ගල්ල සමූහ - අනුර යසමිත් කරන්දෙණිය සමූහ - අනුරාධ ප්රියදර්ශන