ග්‍රාමීය පාලම් සංවර්ධන ව්‍යාපෘතියට සමගාමීව පොල්පිතිගම ප්‍රාදේශීය ලේකම් කොට්ඨාසයේ හත්පොකුණ බල ඇල්ල අබලන් පාලම ද්විත්ව පාලමක් ලෙසට නවීකරණය කරන්නට මුල් ගල තැබීම හා කට්ටම්බේරිය සිට ඉරුදෙණියාය ජනපදයට දිවෙන කිලෝ මීටර් තුනක පමණ දුරකින් යුත් දැඩි ලෙසට අබලන් මාවත කාපට් කිරීමේ ආරම්භක වැඩ දියත් කිරීම ඉකුත් 27 වැනිදා කුරුණෑගල දිස්ත්‍රික් පාර්ලිමේන්තු මන්ත්‍රී යූ.කේ. සුමිත් උඩුකුඹුර මහතාගේ ප්‍රධානත්වයෙන් සිදු කෙරුණි.
මෙම පාලම නවීකරණයට වැය කර ඇති මුදල මිලියන 99.6කි. පාර කාපට් කිරීමට වැය කර ඇති මුදල රුපියල් මිලියන 85කි.
ප්‍රදේශයේ සංඝරත්නය, වයඹ පළාත් සභාවේ හිටපු මන්ත්‍රී බණ්ඩාර රාජපක්ෂ, පොල්පිතිගම ප්‍රාදේශීය සභාවේ හිටපු සභාපති රංජිත් විජේනායක ඇතුළු ආරාධිතයින් හා ප්‍රදේශවාසීහු රැසක් මෙම අවස්ථාවට සහභාගී වූහ.
පොල්පිතිගම නන්දන කැලේගම.
