චීන වෙරළාරක්ෂක භටයන් නැවත වරක් පිලිපීන යාත්රාවලට ජල ප්රහාර එල්ල කිරිම හේතුවෙන් එරට රජය පිලිපීනයේ චීන රාජ්යතාන්ත්රික නිලධාරියා කැඳවා ප්රශ්න කර ඇතැයි විදෙස් මාධ්ය වාර්තා කළේය. චීනය විසින් අත්පත් කර ගනු ලැබූ ස්කාර්බොරෝ ෂෝල් දූපත ආසන්නයේ යාත්රා කළ පිලිපීන බෝට්ටු දෙකකට එම ජල ප්රහාර එල්ල කිරීමෙන් සුළු හානි සිදු වී ඇතැයි ද විදෙස් මාධ්ය වැඩිදුරටත් වාර්තා කළේය.
මතභේදයට තුඩු දී ඇති මුහුදු සීමා අර්බුදය හේතුවෙන් වරින්වර චීනය සහ පිලිපීනය අතර සමුද්ර ගැටුම් සිදුවන බවත්, මේ වන විට චීන වෙරළාරක්ෂක භටයන් 20 වතාවක් පිලිපීන යාත්රාවලට ප්රබල ජල ප්රහාර එල්ල කර ඇති බවත් විදෙස් මාධ්ය සඳහන් කළේය.
පිලිපීනය සඳහන් කර ඇත්තේ සිය හමුදා යාත්රා දෙකකට චීන වෙරළාරක්ෂක භටයන්ගෙන් ජල ප්රහාර එල්ල වී ඇත්තේ දකුණු චීන මුහුදේ මුර සංචාරයක නිරතව සිටියදී බවය. පිලිපීනයේ චීන නියෝජිත ෂූ ෂියොං කැඳවා ප්රශ්න කිරීමට පිලිපීන විදේශ අමාත්යාංශය පියවර ගෙන ඇත්තේ එම ජල ප්රහාරයෙන් දින දෙකකට පසුවය.