ලොකු ලූනු අපනයනය සීමා කරමින් 40%ක බද්දක් පැනැවීමට ඉන්දීය රජය ගත් තීරණය පැය 24කට පසු ඉවත් කර ඇතැයි රොයිටර් පුවත් සේවය වාර්තා කළේය. පසුගිය සිකුරාදා පැනැවූ එම බද්ද සෙනසුරාදා වන විට ඉවත් කළ බවට නිල නිවේදනයක් නිකුත් කර තිබූ බව ද රොයිටර් පුවත් සේවය වැඩිදුරටත් වාර්තා කළේය. පසුගිය දෙසැම්බරයේදී අපනයන සීමා පැණැවීමට පියවර ගත් ලොව විශාලතම එළවළු අපනයනකරු වන ඉන්දියාව පසුගිය මාර්තුවේදී එය තවදුරටත් දීර්ඝ කර තිබූ බව ද රොයිටර් පුවත් සේවය වාර්තා කළේය.
ලොකු ලූනු තහනම ඉවත් කිරීමත් සමඟ අපනයන කරනු ලබන මෙට්‍රික් ටොන් එකකට ඩොලර් 550ක අවම අපනයන මිලක් ද රජය විසින් ප්‍රකාශයට පත් කරනු ලැබූ බව රොයිටර් පුවත් සේවය සඳහන් කළේය. ඉන්දියාවේ වසරකට තුන් වරක් වගා කරන ලොකු ලුනු අස්වැන්න මෙවර ටොන් මිලියන 19 ඉක්මවනු ඇතැයි ද, දේශීය මාසික පරිභෝජනය සඳහා ටොන් මිලියන 1.7ක් පමණක් බැවින් අපනයනයට අවසර දීමට තීරණය වී ඇතැයි ද ඉන්දීය රජයේ නිලධාරියකු ප්‍රකාශ කළ බව රොයිටර් පුවත් සේවය වාර්තා කළේය.
