මාලිම්බඩ උඩුකායේ පිහිටි නිවෙසකට හොර රහසේ ඇතුළු වීමට උත්සහ දැරූ මාලිම්බඩ පොලිසියේ කොස්තාපල්වරයකු ගම්වැසියන් විසින් පහර දී අල්ලා පොලිසියට භාර දී ඇති අතර, මාතර පොලිස් අධිකාරිවරයා විසින් ඔහුගේ වැඩ තහනම් කිරීමට පියවර ගෙන තිබේ.
දෙණිපිටිය උඩුකාව මේනවත්ත පිහිටි නිවෙසක් අසලදී ගම්වැසියන් මේ කොස්තාපල්වරයා අල්ලාගෙන ඇත්තේ රැක සිටිය. ඒ ඔහු පොලිස් කොස්තාපල්වරයකු බව නොදැනය.
මේ කොස්තාපල්වරයා ඒ නිවෙසේ කාන්තාව‍ෙ සමඟ අනියම් ඇසුරක් පවත්වන බවත්, හොරෙන් එහි රිංගන්නේ ඒ බැවින් බවත් විමර්ශනයේදී අනාවරණය වී තිබේ. පොලිස් කොස්තාපල්වරයා අල්ලා පහර දී පොලීසියට භාර දී ඇත්තේ ඒ කාන්තාවගේ ස්වාමිපුරුෂයා ඇතුළු ගම්වැසියන් පිරිසකි.
මේ නිලධාරියා අල්ලාගෙන 119 පොලිස් හදිසි ඇමතුම් අංශයට දැනුම්දී ඇති බවත් ඒ අනුව පොලිසිය පැමිණ ඔහු සිය භාරයට ගෙන පරීක්ෂණ පැවැත්වීමේදී ඔහු පොලිස් නිලධාරියකු බව හඳුනාගෙන ඇති බවත් පොලිසිය කියයි.
ගයාන් කුමාර වීරසිංහ