පනාගොඩ යුද හමුදා කඳවුරේ බලලත් නිලධාරිවරයකු ඉංගිරිය, රයිගම්වත්ත උඩ කොටස යුද හමුදාවට අයත් නිවාඩු නිකේතනයක නාන තටාකය හරහා තිබෙන පාලමෙන් වැටී තුවාල ලබා රෝහල්ගත කිරීමෙන් අනතුරුව මියගොස් ඇතැයි ඉංගිරිය පොලිසිය කියයි.
මෙලෙස මියගොස් ඇත්තේ යුද හමුදා වාදක කණ්ඩායමේ වාදන ශිල්පියකු ලෙස කටයුතු කළ මාවතගම, ඒ කොටස, දෙල්ගොල්ලවත්ත ප්රදේශයේ පදිංචිව සිටි වයස අවුරුදු 42ක් වන දිමුතු සම්පත් ප්රනාන්දු නමැති විවාහක පුද්ගලයෙකි.
යුද හමුදා වාදක කණ්ඩායමට අයත් 150ක පමණ හමුදා සෙබළුන් පිරිසක් ඊයේ පෙරවරුවේ ශබ්දවාහිනී පුහුණු සැසියක් සඳහා පැමිණි අතරවාරයේදී මෙම අනතුර වී ඇතැයි පොලිසිය සඳහන් කරයි.
මියගිය බලලත් නිලධාරියා ඊයේ සවස හතරයි තිහට පමණ එම හෝටල් පරිශ්ර භූමියේ නාන තටාකය මත ඇති කුඩා පාලම මතින් ගමන් කරමින් සිටියදී ඔහු පය ලිස්සා එයින් වැටී හිස ගලක ගැටී බරපතළ තුවාල වීමෙන් ඇති අතර සෙසු නිලධාරීන් බලලත් නිලධාරියාව පාදුක්ක රෝහලට ඇතුළත් කිරීමෙන් අනතුරුව ඔහු මිය ගොස් තිබූ බව පොලිසිය කියයි.
ඉංගිරිය පොලිසියේ වැඩ බලන ස්ථානාධිපති පොලිස් පරීක්ෂක ඩබ්ලිව්.ඒ. පෙරේරා මහතාගේ උපදෙස් මත විමර්ශන සිදු කෙරේ
බණ්ඩාරගම - බිමල් ජයසිංහ / කහවල - ප්රියදර්ශනී