මහා පරිමාණ හෙරොයින් ජාවාරම්කරුවකු වන ‘හෝමාගම හඳයා’ යන අයගේ ප්‍රධාන ගෝල‍යකු වන ‘ටිකා’ නමැති පුද්ගලයෙකු විසින් අලෙවියට සන්තකයේ තබාගෙන සිටි හෙරොයින් ග්‍රෑම් 15 ක්ද සමඟ කහතුඩුව පොලිස් අපරාධ විමර්ශන අංශය මඟින් ඉකුත් 04 වන දින අත්අඩංගුවට ගෙන ඇතැයි පොලිසිය පැවසීය. සැකකරු මත්තේගොඩ පදිංචි වයස අවුරදු 38 ක් වන අතර හෙරොයින් පානයට ඇබ්බැහිව සිටින අයකුද වන අතර මහා පරිමාණයෙන් ජාවාරම්කරුවන්ගෙන් ලබා ගන්නා හෙරොයින් තොග හා සිල්ලර වශයෙන් දීර්ඝකාලීනව හෝමාගම, ගල්කිස්ස, පිළියන්දල, කහතුඩුව, හොරණ, මොරටුව යන ප්‍රදේශවලට ඊසිකෑෂ් ක්‍රමයට බෙදාහැර ඇති බව අනාවරණය වී ඇතැයිද පොලිසිය පැවසීය.
සැකකරු විසින් සිය මවගෙන් රුපියල් 170,000ක මුදලක් කප්පම් වශයෙන් ඉල්ලා හිරිහැර කරන බවටත් එම කරදර ඉවසාගත නොහැකිව තමන් නි‍ෙවස වසා දමා මාතලේ පදිංචිව සිටින අතර මොහු තම නි‍ෙවස බිඳ එහි තිබූ ලැප්ටොප්, පිත්තල භාණ්ඩ ඇතුළු දේපළ සොරාගත් බවට මව විසින් කරන ලද පැමිණිල්ලකට අනුව සිදු කළ විමර්ශනයට අනුව සැකකරු මෙලෙස අත්අඩංගුවට ගෙන ඇතැයිද සැකකරුගෙන් ප්‍රශ්න කිරීමේදී මෙම තොරතුරු අනාවරණය වී ඇතැයිද පොලිසිය කියයි. සැකකරු සොරාගත් දේපල සොයා ගැනීමටත්, මහාපරිමාණ ජාවාරම්කරුවන් සම්බන්ධ බැවින් ඒ පිළිබඳ විමර්ශන කටයුතු සඳහාත් සැකකරු අධිකරණයෙන් ලබා ගත් රඳවුම් නියෝග මත රඳවාගෙන ප්‍රශ්න කර‍ෙගන යන බවත් පොලිසිය පැවසීය.
වැඩිදුර පරීක්ෂණ ගල්කිස්ස ජ්‍යෙෂ්ඨ පොලිස් අධිකාරී ප්‍රසන්න බ්‍රාහ්මණගේ මහතාගේ අධීක්ෂණය මත කහතුඩුව පොලිස් ස්ථානාධිපති ප්‍රධාන පොලිස් පරීක්ෂක ඒ.එම්.කේ.ප්‍රියන්කර මහතාගේ උපදෙස් මත අපරාධ විමර්ශන අංශය ස්ථානාධිපති පොලිස් පරීක්ෂක පැතුම් අංජන මහතාගේ මෙහෙයවීම මත පොලිස් කොස්‌තාපල්වරු වන 8436 ප්‍රියංකර, 93580 දිල්ෂාන්, 18808 සේනාධීර යන නිලධාරීන් විසින් සිදු කර‍ෙගන යනු ලබයි.
දෙහිවල- ඩී.පී.හේරත්