139
ශ්‍රී පාදස්ථානය වන්දනාමාන කිරිමට ගිය ඉන්දීය ජාතිකයකු ඇහැළ කණුව අසලදී අඩි 100ක පමණ ප්‍රපාතයට වැටී සිටියදී ශ්‍රීපාද උඩමළුවේ පොලිස් ස්ථාණයේ නිලධාරීන් මැදිහත්ව ඔහු ප්‍රපාතයෙන් ගොඩ ගෙන මස්කෙළිය රෝහලට ඇතුළත් කර ඇත. ඊයේ 29 උදේ මේ ඉන්දීය ජාතිකයා හැටන් මාර්ගයෙන් ශ්‍රීපාද වන්දනාවේ ගොස් ආපසු රත්නපුර පලාබද්දල මාර්ගයේ එද්දී ඇහැළ කණුව ආසන්නයේදී ප්‍රපාතයකට වැටී ඇත්තේ ආරක්ෂිත වැටෙන් පිටතින් ගමන් කිරීමේදී බව පොලිසිය පවසයි. මෙසේ අනතුරුදායක ලෙස ගමන් කිරීම නිසා විදේශිකයා අඩි සියයක් පමණ ප්‍රපාතයකට පෙරළී ගොස් රැඳී සිටියදී පොලිස් නිලධාරීන් පැමිණ ඔහු ඉහළට රැගෙන විත් රෝහල්ගත කර තිබේ.
කහවත්ත - නිරෝෂණ පෙරේරා