ඉන්දීය ජාතිකයකුට පළමුවරට අමෙරිකානු ජනාධිපති සම්මාන ප්රදානයක් සිදුවී ඇතැයි විදෙස් මාධ්ය වාර්තා කළේය.
ලෝක සාම මධ්යස්ථානයේ සහ ඉන්දියාවේ අහිම්සා විශ්ව භාරතී සංවිධානයේ නිර්මාතෘ ජයින් අචාර්යා ලෝකේෂ් මේ සම්මාන ප්රදානයට පාත්ර වූ බව විදෙස් මාධ්ය වැඩිදුරටත් වාර්තා කළේය. අමෙරිකානු කොංග්රසයේ බ්රැඩ් ෂර්මන් විසින් වොෂිංටන් නුවරදී ඔහුට එම සම්මානය ප්රදානය කරනු ලැබූ බවත්, අමෙරිකානු ජනාධිපති සම්මාන දිනූ පළමු ඉන්දීය පූජකවරයා ඔහු බවත් විදෙස් මාධ්ය සඳහන් කළේය.
ජනාධිපති සම්මානය සමඟ රන් පළිහ, ගෞරව සහතිකය සහ ජනාධිපති ජෝ බයිඩ්න්ගේ අත්සන සහිත ලිපියක් ද ඔහුට ප්රදානය කර ඇති අතර, එම ලිපිය කොංග්රස් සභික බ්රැඩ් ෂර්මන් විසින් කියවනු ලැබූ බව සඳහන් වේ. මානුෂීය යහපත උදෙසා දක්වන දායකත්වයට සුබ පතන බවත්, අමෙරිකානු ජාතියට සහ මනුෂ්යත්වයට කළ සේවයට ප්රශංසා කරන බවත් එම ලිපියෙහි සඳහන් වන බව විදෙස් මාධ්ය වැඩිදුරටත් වාර්තා කළේය.