164
සියඹලාණ්ඩුව ප්‍රාදේශීය ලේකම් කොට්ඨාසයේ ග්‍රාමීය තරුණ තරුණියන් ක්‍රීඩාවට යොමු කිරීමේ අරමුණෙන් සියඹලාණ්ඩුව පොලිසිය සංවිධාන කළ පිරිමි කාන්තා වොලිබෝල් තරගාවලිය සියඹලාණ්ඩුව අම්පාර පාර 03 කණුව මහජන ක්‍රීඩාංගණයේදී පැවැත්විණි.
මෙහිදී පිරිමි කණ්ඩායම් 11ක් සහ කාන්තා කණ්ඩායම් 8ක් තරගාවලියට එක්වූ අතර, එහි ශූරතා ද්විත්වයම දිනා ගැනීමට සියඹලාණ්ඩුව අභිමන් ක්‍රීඩා සමාජයේ කණ්ඩායම් සමත් විය.
සියඹලාණ්ඩුව පොලිස් ස්ථානාධිපති රවීන්ද්‍ර හේරත් මහතාගේ ප්‍රධානත්වයෙන් සංවිධාන කළ මේ තරගාවලියේ ජය සංකේත ප්‍රදානය මොනරාගල ජ්‍යෙෂ්ඨ පොලිස් අධිකාරී බුද්ධි උඩුගමසූරිය මහතා අතින් සිදු කෙරිණි.
ඌව වෙල්ලස්ස විශේෂ - ඩී.එස්. ගුණතිලක