මෙරට පාසල් පද්ධතියේ ක්රියාත්මක සතිමත් බව අභ්යාස කිරීමේ වැඩසටහනේ තීරණාත්මක ඉදිරි පියවරක් ලෙස ගෝලීය සති සමුළුව ලබන මැයි 3-4 දෙදින තුළ මානෙල්වත්ත නාගානන්ද බෞද්ධ විශ්වවිද්යාලයේ දී පැවැත්වෙන බව අධ්යාපන අමාත්යාංශය දැනුම් දෙයි.
උඩඊරියගම ධම්මජීව හිමියන්ගේ හා අධ්යාපන ඇමැති ආචාර්ය සුසිල් ප්රේමජයන්ත මහතාගේ ප්රධානත්වයෙන් සතිපාසල් පදනම හා අධ්යාපන අමාත්යාංශය එක්ව සංවිධාන කර ඇති මේ ජාත්යන්තර සමුළුවට යුරෝපා රටවල් ඇතුළු බොහෝ රටවල පිහිටුවා ඇති සති පාසල් සංවිධානවල නියෝජිතයෝ සහභාගි වෙති.
උඩඊරියගම ධම්මජීව හිමියන්ගේ සංකල්පයකට අනුව නිර්මාණය වී ඇති සතිමත්බව අභ්යාස කිරීමේ වැඩසටහන මඟින් සතිය හෙවත් සිහිය ඉතා නිර්මාණශීලිව හා ආකර්ෂණීය ලෙස තම ජීවිත සමඟ බද්ධ කරගෙන ජීවිතයේ මුහුණපෑමට සිදු වන සියලුම ප්රශ්නවලට පිළිතුරක් ලෙස එම සිහිය පවත්වාගෙන යෑමේ ක්රමවේදය පාසල් සිසුන්ට හඳුන්වාදීම මෙහි මූලික අරමුණ වී තිබේ.
මේ ක්රමවේදය මේ වන විට වසර අටක පමණ කාලයක් ලංකාවේ විවිධ ක්ෂේත්රවලට හඳුන්වා දී ප්රායෝගිකව භාවිතයට ගෙන ඇත.
අධ්යාපන ඇමැති ආචාර්ය සුසිල් ප්රේමජයන්ත මහතා විසින් මේ ක්රමවේදයේ සාර්ථකත්වය සම්බන්ධයෙන් කළ අධ්යයනයකින් පසුව එය මෙරට පාසල් පද්ධතියට හඳුන්වා දී ඇති අතර එය සියලු ජන වර්ගවලට අයත් සෑම ආගමකම පාසල් දරුවන් ඉතා උද්යෝගයෙන් වැලඳගෙන ඇත. අධ්යාපන කටයුතුවල ඵලදායිතාව වර්ධනය කිරීම උදෙසා එමඟින් ලැබෙන ඉහළ මානසික දායකත්වයත් හේතුවෙන් ඊට ඉහළ ජාත්යන්තර පිළිගැනීමක් ද මේ වන විට ලැබී ඇත. ඒ ඔස්සේ සතිමත් දේශයක් ගොඩනංවා ලාංකික සතිමත් දිනයක් ප්රකාශයට පත් කිරීමට මේ ගෝලීය සමුළුව පැවැත්වෙන කාලයේ දී අපේක්ෂා කරයි. එක්සත් ජාතීන්ගේ සංවිධානයට එය ඉදිරිපත් කිරීම ඔස්සේ ඉන් ලබාගත හැකි ජයග්රහණ හා දරුවන්ගේ බුද්ධිමය හා චර්යාත්මක සංවර්ධනය කිරීමට ලද හැකි විපුල දායකත්වය සම්බන්ධයෙන් සමස්ත ලෝකයම දැනුම්වත් කිරීමට මේ ගෝලීය සති සමුළුව තෝතැන්නක් කරගැනීම සංවිධායකයන්ගේ අපේක්ෂාව වී තිබේ. එය සතිමත්බවින් යුත් විශ්ව ගම්මානයක් ගොඩනැංවීම හා ජාත්යන්තර සතිමත් දිනයක් ප්රකාශයට පත් කිරීම දක්වා ඉදිරියට ගෙන යෑමට ද අපේක්ෂිතය.
මේ ගෝලීය සති සමුළුව පැවැත්වෙන කාලයේ සෞඛ්ය අමාත්යාංශය, ත්රිවිධ හමුදාව සහ පොලිසිය, බන්ධනාගාර දෙපාර්තමේන්තුව වැනි ආයතන රැසක් තම ආයතනයේ මේ සිහිය සතිය අභ්යාස කිරීමේ වැඩසටහන් මඟින් ලද ප්රතිලාභ පිළිබඳ අදහස් දැක්වීමට නියමිතය.
සම්පූර්ණයෙන්ම නොමිලේ පවත්වන මේ සති සමුළුවට ඔබටත් එක් විය හැකි අතර ඒ සඳහා www.satipasala.org වෙබ් පිටුවට පිවිස ලියාපදිංචි විය හැකිය.