කටුනායක ගුවන් තොටුපොළ පැමිණීමේ පර්යන්තය ඉදිරිපිට මෙතෙක් පවත්වාගෙන ගිය “ටෙස්ටා” ආපනශාලාව නව මුහුණුවරකින් ඊයේ (19) උදෑසන 10.00ට යෙදී තිබූ සුබ නැකතින් ආරක්ෂක ලේකම් ජෙනරාල් කමල් ගුණරත්න මහතාගේ ප්රධානත්වයෙන් විවෘත කෙරිණි.
ටෙස්ටා ආපනශාලා සමූහය ශ්රී ලංකාව පුරා ව්යාප්ත වී පවතින අතර, කටුනායක ගුවන් තොටුපොළේ ලොරි දෙකක තාවකාලික පදනමෙන් පවත්වාගෙන ගිය ආපනශාලාව, මෙතැන් සිට ස්ථිර ගොඩනැඟිල්ලක විවෘත වීම සිදුවිය.
මේ විවෘත කිරීමට ආරක්ෂක අමාත්යාංශයේ ලේකම් විශ්රාමික ජෙනරාල් කමල් ගුණරත්න, වරාය නාවික කටයුතු සහ ගුවන් සේවා අමාත්යාංශයේ ලේකම් කේ.ඩී.එස්. රුවන්චන්ද්ර, සීමාසහිත ගුවන් තොටුපොළ සහ ගුවන් සේවා සමාගමේ සභාපති ඉංජිනේරු අතුල ගල්කැටිය, සමාගමේ උප සභාපති අවන්ති සේනාරත්න, කටුනායක ගුවන් තොටුපොළ පොලිසියේ ස්ථානාධිපති ප්රධාන පොලිස් පරීක්ෂක එල්මෝ මැල්කම් පේට් මහත්ම මහත්මීන් ඇතුළු සම්භාවනීය ආරාධිත අමුත්තන් පිරිසක් මේ අවස්ථාවට පැමිණ සිටියහ.
කටුනායක ටී.කේ.ජී.කපිල