පොසොන් උත්සවයට සමගාමීව බුදුන් වහන්සේගේ ඌර්ණ රෝම ධාතූන් වහන්සේලා තැන්පත් කර ඇති ඓතිහාසික මිහින්තලා මහා සෑයේ තීන්ත ආලේප කිරීමේ කටයුතු පෙරේදා (18) පෙරවරුවේ යෙදුණු සුබ මොහොතින් ආරම්භ කෙරිණි.
ඓතිහාසික මිහින්තලා රජමහා විහාරාධිපති ආචාර්ය වලවාහැංගුණවැවේ ධම්මරතන නාහිමිපාණන් වහන්සේ ප්‍රමුඛ මහා සංඝරත්නයේ ආශීර්වාද මැද රාජ්‍ය නිලධාරින්ගේ සහභාගිත්වයෙන් මෙය සිදු කළහ. පඬුවස්නුවර අභයගිරි ප්‍රජා සේවා පදනමේ ශ්‍රම දායකත්වය මත මේ උතුම් කටයුත්ත සිදු කරයි.
මෙවර පැවැත්වෙන 2333 වැනි පොසොන් උත්සවය මෙරට සහ ලෝවැසි සියලු ජනතාවගේ දායකත්වයෙන් සාර්ථකව කිරීමට කටයුතු කරන බව මෙහිදී අනුශාසනාවක් කරමින් මිහින්තලා රජමහා විහාරාධිපති ආචාර්ය වලවාහැංගුණවැවේ ධම්මරතන නාහිමියෝ පැවසූහ.
ඡායාරූප – අනුරාධපුර අතිරේක
අමිල ප්‍රභාත් වනසිංහ- අනුරාධපුර අතිරේක