හොරණ ප්‍රාදේශීය ලේකම් කොට්ඨාසයේ 616E මිදෙල්ලමුලහේන ග්‍රාමසේවා වසමේ අක්කර 3/4 ආසන්න බිමක් පුරා විහිදී ඇති ඉසුරු විමන ප්‍රජා ශාලාව සහ ළමා ක්‍රීඩාංගණය කැලෑ වැඳි ඇත. 1994 වසරේ දී ද ෆිනෑන්ස් සමාගමේ ඉඩම් වෙන්දේසියකට සමගාමිව ඔවුන්ගේ වියදමින් මහජන සුභ සාධනය වෙනුවෙන් මේ ප්‍රජා ශාලාව සහ ළමා ක්‍රීඩාංගණය ඉදිකර හොරණ ප්‍රාදේශීය සභාවට පවරා දී ඇත. මේ මහජන දේපළ අද මෙලෙස වල් බිහිවී කැලයට ගොස් ඇත. මෙහි ජල හා විදුලි පහසුකම් ඇත. මේ ශාලාවේ විවාහ උත්සව පවා පවත්වා ඇත. දරුවන් වෙනුවෙන් මුල් ළමාවිය සංවර්ධන මධ්‍යස්ථානයක් ද පැවැත්විණි. වල්බිහි වීමත් සමගම එම ප්‍රජා සේවාවන් සියල්ල නැවතී ඇත. යළිත් මේ වටිනා දේපළ සංවර්ධනය කර ජනතාවගේ ප්‍රජා සේවාවන් පිණිස පහසුකම් සලසන ලෙස ප්‍රදේශවාසීන් බලධාරීන් ගෙන් ඉල්ලති.
පෝරුවදණ්ඩ සමූහ, එච්.කුලතිලක
නව අදහස දක්වන්න