ශිෂ්‍යත්ව පන්තියකට සහභාගි වීමට අධික වර්ෂාව මැද ඇළකින් එතෙර වී පාසලට යාමට උත්සාහ කරද්දී මෙයට මාස පහකට ඉහත දී සැඩ පහරේ
පාලම ඉඳිකිරීමට මුල් වූ දිරිය දියණිය වන
ජාතික සමාජ සංවර්ධන ආයතනයේ අවසාන වසරේ
ඉගෙනුම ලබන හිරුණි සෞම්‍යා බස්නායක
ගසාගෙන ගොස් පාසල් සිසුවකු මරණයට පත්වීම රටම කම්පා කළ සිද්ධියකි.
දෙල්තොට ලිට්ලිවැලි ප්‍රදේශයේ පදිංචිව සිටි කාන්දීපන් දිවාන් නැමති සිසුවාගේ මරණය ඇළ මාර්ගය හරහා පාලමක් නැති නිසා සිදුවූ බවට එකිනෙකාට චෝදනා කළ පිරිස සිද්ධියේ උණුසුම මැකී යද්දී නිශ්ශබ්ද වූයේ ප්‍රශ්නයට විසඳුමක් සෙවීම කාලයට බාර කරමිනි.
මේ සිද්ධිය සම්බන්ධ පුවත් දුටු ජාතික සමාජ සංවර්ධන ආයතනයේ අවසාන වසරේ ඉගෙනුම ලබන බී. එම්. හිරුණි සෞම්‍යා බස්නායක ශිෂ්‍යාව තම සමාජ යුතුකම ගැන කල්පනා කරමින් ඒ වෙනුවෙන් යමක් කරන්නට සිතා ගත්තේ නැවත දිවාන් වැනි දරුවකු ජල රකුසාට බිලිවීම වැළැක්වීමේ අරමුණිනි. ඇයගේ අවසන් වසරේ කළ යුතු ප්‍රජා වැඩ ව්‍යාපෘතියට මේ ඇළ හරහා පාලමක් ගොඩ නැඟීමට තීරණය කළ ඇය පසුගියදා තම සිහිනය යථාර්ථයක් කරමින් පාලම විවෘත කළේ දිවාන්ගේ මව්පියන් ඇතුළු ප්‍රදේශවාසීන්ගේ සහභාගිත්වයෙනි.
පාලම ඉදිකිරීමට පෙර ඇළ මාර්ගය
ජල පහරට හසුවී මියගිය දිවාන් සිසුවා
කොළඹ නුගේගොඩ පදිංචි හිරුණි තම ව්‍යාපෘතියට දෙල්තොට ප්‍රාදේශීය ලේකම් කාර්යාලයට අයත් සුදුවැල්ල ග්‍රාම නිලධාරී වසමේ ඇති ලිට්ල්වැලිවත්ත තෝරා ගත්තාය. දමිළ ජනතාව ජීවත්වන මේ ගමේ ඇළ හරහා පාලමක් නැතිකමින් ගමේ මිනිසුන්ට තම දෛනික කටයුතු කරගෙන යෑමට සිදුවන අපහසුතා මඟහැරවීම ඇගේ අරමුණ විය.
ලිට්ල්වැලි ගමට පැමිණි ඇය ගමේ මිනිසුන් හා සාකච්ඡා කර ගමට අවශ්‍ය ප්‍රධානම අවශ්‍යතාව හඳුනාගෙන ඇළ මාර්ගය හරහා පාලමක් සැදීමේ මුල් පියවර ආරම්භ කළාය. රුපියල් ලක්ෂ 12ක් පමණ මුදලක් ව්‍යාපෘතියට අවශ්‍ය විය. තම ගමේ ප්‍රශ්නයට විසඳුම් දීමට පැමිණි මේ තරුණියට ශක්තියක් වෙමින් සියලු ශ්‍රම දායකත්වය ලබාදීමට ගම්වැසියෝ කැමැත්ත පළ කළහ.
පාලම ඉදිකිරීමට අවශ්‍ය සිමෙන්ති,යකඩ,වැලි ඇතුළු අනෙකුත් ද්‍රව්‍ය ලබා ගැනීමට ඇය විවිධ ආයතන සම්බන්ධ කර ගත්තාය. සී ඇන්ඩ් වී යුනිවර්සල් බිල්ඩින් සේවා ආයතනය මේ සඳහා නොමිලේ තාක්ෂණික සහාය දුන්නේය. ඒට්කන්ස්පෙන්ස් ආයතනය මාලදිවයිනේ අධාරන් හෝටලයේ ඉංජිනේරු අංශයේ සේවකයන්ගේ පෞද්ගලික ආධාර ද ලබාගෙන හිරුණි සෞම්‍යා බස්නායක තම සිහිනය යථාර්ථයක් කර පෙන්වූයේ විවේචනයට වඩා වැඩි යමක් අපට සමාජය වෙනුවෙන් කළ හැකි බව පෙන්වමිනි.
ඡායාරූප – ගලහ සමූහ
සුබ මොහොතින් පාලම විවෘත කළ අයුරු.
ගම්වැසියන්ගේ සතුට
අසේල කුරුළුවංශ සහ ගලහ සමූහ - සී. කේ. වික්රම
