වාමාංශික ප්රගතිශීලි කඳවුරේ ජනතාව කිසිදා ශ්රී ලංකා පොදුජන පෙරමුණ හැරගොස් නැතැයි ජනමාධ්ය රාජ්ය ඇමැති ශාන්ත බණ්ඩාර මහතා ප්රකාශ කරයි. පසුගිය කාලයේ තම පාක්ෂිකයන් නිහඬ වූ නමුත් පක්ෂය අත්හැර ගොස් නැතැයි ද පසුගිය කාලයේ අවස්ථා ගණනාවක දී එය ඔප්පු කර පෙන්වා තිබෙන බව ද ඒ මහතා පවසයි.
ඒ මහතා මේ බව ප්රකාශ කළේ ශ්රී ලංකා පොදුජන පෙරමුණ පක්ෂ මූලස්ථානයේ දී පෙරේදා (18) පැවති ප්රවෘත්ති සාකච්ඡාවට එක්වෙමිනි.
එහිදී වැඩිදුරටත් අදහස් දැක්වූ ජනමාධ්ය රාජ්ය ඇමැති ශාන්ත බණ්ඩාර මහතා මෙසේද පැවසීය.
“ලැබුවා වූ සිංහල හින්දු අලුත් අවුරුද්ද ලක්වාසී ජනතාවට, ලෝකවාසී ජනතාවටත් සුබ නව වසරක් වේවා කියා අපි ප්රාර්ථනා කරනවා.පසුගිය වසර කීපය පුරාම ඉතාම අමිහිරි කාල පරිච්ඡේදයක් ගතවුණේ. පාස්කු දින ප්රහාරය,කොවිඩ් වසංගතය නිසා ඇතිවෙච්ච පීඩනය සහ ඒ එක්කම ආපු ආර්ථික අර්බුදය නිසා රටේ ජනතාව විශාල වශයෙන් පීඩාවට පත්වුණා. ජනතාවට තිබුණු පීඩාකාරී තත්ත්වයන් එකින් එක මඟ හැරෙමින් සාමාන්ය තත්ත්වයට පත්වෙලා සාමකාමී වාතාවරණයක් උදා වෙලා ආර්ථික වශයෙනුත් යම් යම් ප්රතිලාභ ලැබිලා, සහනදායි වටපිටාවක් නිර්මාණය වෙලා, භාණ්ඩවල මිල යම් ප්රමාණයකින් අඩුවෙලා රටේ සුබදායි වාතාවරණයක් තුළ අවුරුද්ද සමරන්න වසර කීපයකට පස්සේ ජනතාවට හැකියාව ලැබුණා. කනගාටුදායක සිද්ධින් දෙකක් තිබෙනවා.
අපේ රටේ සර්වෝදය ව්යාපාරයේ අතිවිශාල කැපකිරීමක් කළ එහි නිර්මාතෘවරයා වශයෙන් කටයුතු කළ ඒ.ටී. ආරියරත්න මහතාගේ අභාවයට ශ්රී ලංකා පොදුජන පෙරමුණ හැටියට අපේ සංවේගය පළ කරනවා.ඒ වගේම අපි කුමන දේශපාලන මත දැරුවත් මහජන නියෝජිතයෙක් ලෙස අපිත් එක්ක 2010 පාර්ලිමේන්තුවට ඇවිත් පාර්ලිමේන්තු කාලයේදී මන්ත්රීවරයෙක් වශයෙන්,නියෝජ්ය ඇමැතිවරයෙක් වශයෙන් අපේ රටටත්,ජනතාවටත් විශාල සේවාවක් කළ නිහතමානි දේශපාලනඥයෙක් ලෙස පාලිත තෙවරප්පෙරුම මහතා අපි දකිනවා. ඔහු රටේ ඕනෑම තැනකදී ජනතාවට යම් අවශ්යතාවක් වූ විට ජනතාවගේ ඒ අවශ්යතාව ඉටු කිරීම වෙනුවෙන් ඔහුගේ තනතුර පසෙකලා කටයුතු කරන ආකාරය අපි දැක්කා. ඒ සුන්දර මිනිසා හදිසියේ අභාවයට පත්වුණා.
එතුමාගේ අභාවය පිළිබඳවත් ශ්රී ලංකා පොදුජන පෙරමුණේ සාතිශය සංවේගය පළ කරනවා. දේශපාලන පක්ෂයක් විදිහට ශ්රී ලංකා පොදුජන පෙරමුණ නැවතත් අපේ සංවිධාන කටයුතු ක්රමානුකූලව ආරම්භ කරන්න තීරණය කර තිබෙනවා.
හුඟක් දෙනෙක් කිවුවත් ශ්රී ලංකා පොදුජන පෙරමුණ ඉවරයි කියලා ඒ පිරිසට වැරදිලා තිබෙන්නේ. අපිත් එක්ක ඉන්න ජනතාව වාමාංශික ප්රගතිශීලි කඳවුරේ ජනතාව කවදාවත් අපව අත්හැර ගිහින් නැහැ. පසුගිය කාලයේ ඔවුන් නිහඬ වුණා. ඔවුන් නිහඬ වුණා මිසක් පක්ෂය අත්හැර ගිහින් නැහැ. වැඩ කරන ජනතාවත් එක්ක ඒකරාශි වෙලා අපි මෙවර පවත්වන මැයි දිනය අපි වැඩිම ජනතා සහභාගිත්වයකින් පවත්වන මැයි රැලිය බවට පත් කරනවා. ඒ කොළඹ කැම්බල් පිටියේ. අපේ රටේ සෑම මැතිවරණ කොට්ඨාසයකින්ම මේ වන විට පුළුල් සංවිධාන ශක්තියක් ගොඩනැඟෙමින් තිබෙනවා.
සෑම මැතිවරණ කොට්ඨාසයකම ග්රාමීය මට්ටමින්,බිම් මට්ටමින් සංවිධාන කටයුතු ශක්තිමත් කර අපිත් එක්ක හිටපු අපේ පාක්ෂිකයෝ සියලුදෙනා එක්ක නැවතත් ශ්රී ලංකා පොදුජන පෙරමුණ ශක්තිමත්ම දේශපාලන පක්ෂය හැටියට ඕනෑම මැතිවරණයකට සාර්ථකව මුහුණ දෙන්න පුළුවන් සංවිධාන ශක්තිය අපි ගොඩනඟන්නත් බලාපොරොත්තු වෙනවා” යනුවෙන් පැවසීය.
මහින්ද අලුත්ගෙදර