89
විදේශීය රටක සිට නීති විරෝධී ලෙස තීරුබදු නොගෙවා මෙරටට ගෙන්වන ලද දුම්වැටි සන්තකයේ තබාගෙන සිටි කාන්තාවක් ගෝනහේන පොලිස් විශේෂ කාර්ය බළකාය නිලධාරීන් පිරිසක් විසින් පෙරේදා (25) කටුනායක පොලිස් වසමේදී අත්අඩංගුවට ගෙන තිබේ.
පොලිස් විශේෂ කාර්ය බළකායේ නිලධාරීන් පිරිසකට ලද තොරතුරක් මත කටුනායක පොලිස් වසමේ අමන්දොළුව මාර්ගයේ දී වැටලීමක් සිදුකර ඇත.
එහිදී විදේශීය රටක සිට නීති විරෝධී ලෙස තීරු බදු නොගෙවා මෙරටට ගෙන්වන ලද දුම්වැටි 600ක් සන්තකයේ තබාගෙන සිටි තල්ගස්තොට, කටුනායක ප්‍රදේශයේ පදිංචි වයස අවුරුදු 45ක කාන්තාවක් අත්අඩංගුවට ගෙන තිබේ. සැකකාරිය වැඩිදුර විමර්ශන කටයුතු සඳහා කටුනායක පොලිස් ස්ථානය වෙත භාර දී ඇති බව පොලිස් විශේෂ කාර්ය බළකාය පවසයි.
රක්ෂණ ශ්‍රියන්ත