ඉරාන හමුදාව විසින් පසුගියදා එල්ල කරනු ලැබූ මිසයිල සහ ඩ්රෝන ප්රහාරයට ප්රතිචාර දැක්වීම සම්බන්ධව තීරණයක් ගැනීමට ඊශ්රායල යුද කැබිනෙට්ටුව තුන්වැනි වතාවටත් රැස් වූ බව විදෙස් මාධ්ය වාර්තා කළේය. ඉරානයට ප්රතිප්රහාර එල්ල කිරීම සම්බන්ධව ඊශ්රායලය තවදුරටත් අවධානය යොමු කර ඇත්තේ යුදමය පියවරකට නොයන ලෙස අමෙරිකාව ඇතුළු මිත්ර පාර්ශ්ව අවවාද කරමින් සිටින අවස්ථාවකදීය. ඉරාන ප්රහාරයට ප්රතිචාර දැක්විය යුතු බවට පළමු වරට යුද කැබිනෙට්ටුව රැස්වූ දිනයේදි ඊශ්රායල හමුදා ප්රධානි හර්සි හෙල්වි ප්රකාශ කර ඇති අතර, දෙවැනි රැස්වීමේදී ද ඒ පිළිබඳ තීරණයක් ගැනීම ඊයේ දක්වා කල් දැමීමට ඊශ්රායල අගමැතිවරයා පියවර ගත් බවත් විදෙස් මාධ්ය සඳහන් කළේය.