අයිපීඑල් තරගවලට හඳුන්වාදී ඇති Impact Player හෙවත් ක්රීඩකයෙක් ආදේශ කිරීමට අවස්ථාව ලබාදීමේ නීතිය ගැන එතරම් පැහැදීමක් නැතැයි ඉන්දීය ක්රිකට් නායක රෝහිත් ශර්මා පවසයි.
මුම්බායි ඉන්දියන්ස් කණ්ඩායමේ හිටපු නායකයා මෙන්ම ආරම්භක පිතිකරුවකු ද වන ශර්මා පවසන්නේ මේ ක්රීඩක ආදේශ කිරීම හේතුවෙන් ඇතැම් ක්රීඩකයන්ට තුන් ඉරියව් දස්කම් දැක්වීමට ඇති අවස්ථාව අහිමි වන බවයි.
පිතිකරුවන්ට පන්දු යැවීමට අවස්ථාව නොලැබීමත්, පන්දු යවන්නන්ට පිතිකරණයේ යෙදීමට අවස්ථාවක් නොලැබීමත් හේතුවෙන් ඔවුන්ගේ තුන් ඉරියව් දස්කම් දියුණුවට එය බාධාවක් වන බව ශර්මාගේ අදහස වී තිබේ.
මේ Impact Player රිතීය විවේචනය කළ පළමු ඉහළ පෙළේ ඉන්දීය ක්රීඩකයා රෝහිත් ශර්මා වන අතර, මෙමඟින් 12 වැනි ක්රීඩකයකුට කණ්ඩායමකට ක්රීඩා කිරීමේ අවස්ථාව හිමි වෙයි.
“ක්රිකට් කියන්නේ ක්රීඩකයන් 11 දෙනෙක් කරන ක්රීඩාවක් මිස ක්රීඩකයන් 12 දෙනෙක් ක්රීඩා කරන එකක් නොවෙයි. මේ නිසා තුන් ඉරියව් ක්රීඩකයෙක් බිහි වීමට ඇති ඉඩකඩ අඩු වෙනවා.”
“එය ප්රේක්ෂකයන්ට විනෝද වීමට හොඳ දෙයක් වුවත් සැබෑ ක්රිකට් ක්රීඩාවේදී එය කණ්ඩායමකට හොඳ නැහැ. උදාහරණයක් ලෙස Impact ක්රීඩකයා නිසා ශිවම් ඩුබේ, වොෂින්ටන් සුන්දර්ට පන්දු යැවීමට අවස්ථාවක් නැහැ. එම නිසා එවැනි ක්රීඩකයන්ට කණ්ඩායමට එක්වීමට ඇති ඉඩ අඩුයි. එය ඉන්දීය කණ්ඩායමට හොඳ දෙයක් නොවේ.”