133
බඩල්කුඹුර ප්‍රදේශයේ සිට මොනරාගල නගරයේ පවත්වාගෙන යන ඇඟලුම් කම්හලකට සේවක සේවිකාවන් ප්‍රවාහනය කරන පුද්ගලික බස් රථයක් ඉකුත් (21) වෙනිදා පෙරැළී සිවුදෙනකුට තුවාල සිදුවී ඇතැයි බඩල්කුඹුර පොලිසිය පවසයි.
බඩල්කුඹුර-මොනරාගල මාර්ගයේ මඩුකොටන් ආරාව ප්‍රදේශයේදී බස් රථයේ වේගය පාලනය කර ගැනීමට නොහැකිව බස් රථය පාරෙන් ඉවතට පෙරැළී ඇත.
අනතුරෙන් තුවාල ලැබූ තරුණියන් තිදෙනෙකු සහ එක් පිරිමි අයෙකු සුළු තුවාල ලබා බඩල්කුඹුර ප්‍රාදේශීය රෝහලට ඇතුළත් කර තිබේ.
බඩල්කුඹුර පොලිස් ස්ථානාධිපති සුනිල් දිසානායක මහතා පරීක්ෂණ මෙහෙයවයි.
ඩී.එස්. ගුණතිලක - ඌව වෙල්ලස්ස විශේෂ