160
බාලවයස්කාර පිරිමි දරුවකුට ලිංගික අතවර සිදු කිරීමට තැත්කළ බව කියන 73 හැවිරිදි පුද්ගලයකුට කිතුල් පොලුවලින් පහරදී ඝාතනය කර ඇතැයි දොඩංගොඩ පොලිසිය කියයි.
මෙලෙස ඝාතනයවී ඇත්තේ බෝම්බුවල, කොස්හේන පදිංචිව සිටි කම්කරු රැකියාවේ නියුතු බී.ඩී. ආරියපාල නමැත්තෙකි.
ඉකුත් 16 වැනි දින මෙම සිද්ධිය සිදුවී ඇති අතර දින දෙකකට පමණ පසු එම පුද්ගලයා මියගොස් ඇතැයි පොලිසිය කියයි.
ඝාතනය සම්බන්ධයෙන් පිරිමි දරුවාගේ පියා ඇතුළු තිදෙනකු අත්අඩංගුවට ගැනීමට විමර්ශන පවත්වන බව පොලිසිය කියයි.
දොඩංගොඩ පොලිසියේ වැඩබලන ස්ථානාධිපති පොලිස් පරීක්ෂක කේ.එම්.එන්.ආර්. බණ්ඩාර මහතාගේ උපදෙස් මත විමර්ශන සිදු කෙරේ.
බණ්ඩාරගම - බිමල් ජයසිංහ