‘මදර් ශ්‍රී ලංකා’ ව්‍යාපෘතියේ සුළු හා මධ්‍යම පරිමාණ ව්‍යවසායකයන්ගේ නිෂ්පාදන කර්මාන්ත සංවර්ධනය උදෙසා, ලංකා කර්මාන්ත සංවර්ධන මණ්ඩලයේ පූර්ණ සහයෝගය ලබාදීමට අවබෝධතා ගිවිසුමක් අත්සන් කිරීම පසුගියදා බත්තරමුල්ල අපේ ගම පරිශ්‍රයේදී සිදු විය.
මෙහිදී ලංකා කර්මාන්ත සංවර්ධන මණ්ඩලයේ සභාපති වෛද්‍ය සාරංග අලහප්පෙරුම මහතා හා ‘මදර් ශ්‍රී ලංකා’ ව්‍යාපෘතියේ සභාපතිනි ජානකී කුරුප්පු මහත්මිය මෙම අවබෝධතා ගිවිසුමට අත්සන් තබනු ලැබූහ. මෙම අවබෝධතා ගිවිසුමට අනුව ‘මදර් ශ්‍රී ලංකා’ ව්‍යාපෘතියේ සුළු හා මධ්‍යම පරිමාණ ව්‍යවසායකයන්ට අවශ්‍ය දැනුම, අවබෝධය, පුහුණුව මෙන්ම නිෂ්පාදන කර්මාන්ත සඳහා රජයේ සහයෝගය, ආධාර අනුබල හා සිලෝන් ප්ලාසා විද්‍යුත් වාණිජ වේදිකාව ඔස්සේ නිෂ්පාදන අලෙවිය, ප්‍රවර්ධනය, ප්‍රචාරයට මෙන්ම වෙළෙඳපොළ සොයාදීමට ද, සහයෝගය හා ආධාර ලබා දෙයි.
