ගල්කිස්ස ප්රදේශයේ නිවසක පිටුපස දොරටුව කඩා ඇතුළු වී නිෙවසේ තිබූ රන් භාණ්ඩ සොරාගත් පුද්ගලයකු හෙරොයින් මිලිග්රෑම් 7100ක් සමඟ ගල්කිස්ස කොට්ඨාස අපරාධ විමර්ශන කාර්යාංශය මඟින් අත්අඩංගුවට ගෙන ඇතැයි පොලිසිය කියයි.
ගල්කිස්ස ප්රදේශයේ අපරාධ මර්දනය හා මත්ද්රව්ය නිවාරණ රාජකාරියේ යෙදී සිටි පොලිස් නිලධාරීන් සැකපිට මෙම පුද්ගලයා හෙරොයින් මිලි ග්රෑම් 7100ක් සමඟ අත්අඩංගුවට ගෙන රැඳවුම් නියෝග මත සිදු කරනු ලැබූ විමර්ශනයට අනුව මෙම සැකකරු තවත් පුද්ගලයෙකු සමඟ එකතුව මෙලෙස නිවාස බිඳුම් සිදු කරන බවට හෙළි වී ඇතැයිද මේ වන විට අනෙක් සැකකරු ප්රදේශයෙන් පලාගොස් ඇති බැවින් විශේෂ විමර්ශනයක් ආරම්භ කර ඇතැයිද පොලිසිය පැවසීය.
සැකකරු මොරටුව, දන්දෙනියවත්ත ප්රදේශයේම පදිංචිව සිටින වයස අවුරුදු 44ක් වන අධික ලෙස හෙරොයින්වලට ඇබ්බැහිව සිටින අයෙකුද වන අතර, ඒ සඳහා කුලී වැඩට අමතරව මෙලෙස නිවාස බිඳුම්වලද යෙදී සිටින බවත් හෙළිවී ඇතැයිද පොලිසිය පැවසීය.
වැඩිදුර පරීක්ෂණ ගල්කිස්ස ජ්යෙෂ්ඨ පොලිස් අධිකාරි ප්රශන්න බ්රාහ්මණගේ මහතාගේ අධීක්ෂණය මත ගල්කිස්ස කොට්ඨාස අපරාධ විමර්ශන කාර්යාංශ ස්ථානාධිපති ප්රධාන පොලිස් පරීක්ෂක අමිල ගෝවින්න මහතාගේ මෙහෙයවීමෙන් උප පොලිස් පරීක්ෂක දිසානායක, පොලිස් කොස්තාපල්වරුන් වන (81753) හේමන්ත, (90027) විතාරණ, (104331) ගයාන් යන නිලධාරීහු සිදු කරති.
දෙහිවල - ඩී.පී. හේරත්