“සිංහල වේදිකා, සිනමාව හා ටෙලි නාට්ය කලාවේ” ප්රතාපවත් භූමිකාවක් රඟ දැක්වූ ප්රවීණ රංගන ශිල්පී නීල් අලස් මහතාගේ සුව දුක් විමසීමට බුද්ධශාසන, ආගමික හා සංස්කෘතික කටයුතු ඇමැති විදුර වික්රමනායක මහතා සහ සංස්කෘතික කටයුතු දෙපාර්තමේන්තුවේ නිලධාරීහු පිරිසක් අතුරුගිරිය ප්රදේශයේ පිහිටි ඔහුගේ නිෙවසට පසුගියදා ගියහ. ‘කලාකරු සුවදම්’ වැඩසටහන යටතේ මෙය සංවිධාන කර තිබිණ. නීල් අලස් මහතා කැලණි පාලම නාට්යයේ චුට්ටේ, ‘ආඬි රැලේ නාඩගම’ නාට්යයේ මැක්හීත් සහ ධවල භීෂණ නාට්යයේ ශෝන් ලෙස නිරූපණය කළ චරිත යුගයක් වර්ණවත් කළ, ප්රේක්ෂකයන් සහ සමස්ත කලා ක්ෂේත්රය අතර තවමත් සංවාදයට ලක්වේ.
රූපවාහිනිය මඟින් විකාශය වූ බුමුතුරුණු, ගම්පෙරළිය, දූදරුවෝ, බෝගල සවුන්දිරිස්, ගජමන් නෝනා වැනි ටෙලිනාට්ය හරහා ඔහු සිය රංගන ප්රතිභාව පෙන්වූ අතර, සිනමාවේ දී සොල්දාදු උන්නැහේ, මධුසමය, බිත්ති හතර, සහරාවේ සිහිනය, කෙළිමඬල, ක්රිස්තු චරිතය, මාරුතය, භවදුක, යසෝමා, භව කර්ම, අබා වැනි චිත්රපටවලද චරිත නිරුපණය කළේය.
සංස්කෘතික කටයුතු අධ්යක්ෂ යසින්තා ගුණවර්ධන මහත්මිය, දෙපාර්තමේන්තු නිලධාරීන් ඇතුළු පිරිසක් මේ අවස්ථාවට එක්ව සිටියහ.
උපාලි කරුණාරත්න