367
හිටපු ජනාධිපති මෛත්‍රීපාල සිරිසේන මහතා කළ ප්‍රකාශය පිටුපස දේශපාලන කුමන්ත්‍රණයක් ඇත්දැයි සැක මතුවන බව පාර්ලිමේන්තු මන්ත්‍රී එස්.එම්.මරික්කාර් මහතා පැවසුවේය.
විපක්ෂ නායක කාර්යාලයේදී ඊයේ (25) පැවැති මාධ්‍ය හමුවකදී ඒ මහතා මේ බව පැවසීය. තවදුරටත් ඒ මහතා මෙසේද පැවසීය.
පාස්කු බෝම්බ ප්‍රහාරය සම්බන්ධයෙන් ජනාධිපති කොමිසම විමර්ශනයක් පැවැත්වුවා. අධිකරණයේ නඩු ගණනාවක් පැවැත්වුණා. ඒ කිසිදු තැනක පාස්කු ප්‍රහාරය සිදු කළ පුද්ගලයා තමන් දන්නා බව හිටපු ජනාධිපති මෛත්‍රීපාල සිරිසේන මහතා සඳහන් කෙළේ නෑ. ඔහු දැන් සිදුකරන ප්‍රකාශය පිටුපස දේශපාලන කුමන්ත්‍රණයක් තිබෙනවා දැයි සැකයක් මතු වෙනවා.
රක්ෂණ ශ්රියන්ත
