ඉහළ ගිය එළවළු මිල පහත දාන්න යාපනයේ ගොවියෝ සමත් වෙති
දඹුල්ල ආර්ථික මධ්‍යස්ථානයට මේ දිනවල එළවළු විශාල වශයෙන් ලැබෙමින් පවතිම නිසා සෑම එළවළුවකම තොග මිල ඊයේ (27) දින වන විට විශාල වශයෙන් පහත වැටී ඇතැයි ගොවීන් පෙන්වා දෙති.
දඹුල්ල ආර්ථික මධ්‍යස්ථානයට යාපනය අර්ධද්වීපයෙන් ඊයේ වන විට විශාල වශයෙන් රතුලූනු තොග ඇතුළු එළවළු තොග ලැබීමත් සමඟ මේ තත්ත්වය උදා වී තිබේ.
කිලෝවක් රුපියල් 350කට අලෙවි වූ රතුලූනු කිලෝ එකක මිල ඊයේ (27) දින වැනි විට රුපියල් 110 ත් රුපියල් 230 දක්වා මිල ගණන් යටතේ අලෙවි වූ බව දඹුල්ල වෙළෙඳ සංගමය සඳහන් කෙළේය.
යාපනය අර්ධද්වීපයෙන් දිනපතා විශාල වශයෙන් එළවළු තොග ලැබීමත් දිවයිනේ අනෙකුත් ප්‍රදේශවලින් ද එළවළු නිෂ්පාදන විශාල වශයෙන් ලැබෙමින් පැවතීමත් එළවළු තොග මිල පහත වැටීමට මුල්වී තිබේ.
දඹුල්ල ආර්ථික මධ්‍යස්ථානයේ ඊයේ (27) එළවළු කිලෝවක පැවති තොග මිල මෙසේය.
බෝංචි 80 – 120
ලීක්ස් 150 – 180
කැරට් 150 – 200
තක්කාලී 50 – 120
රාබු 20 – 50
නොකෝල් 40 – 60
කැකිරී 25 – 30
පිපිඤ්ඤා 20 – 30
වැටකොලු 50 – 60
බණ්ඩක්කා 40 – 50
පතෝල 50 – 60
වම්බටු 80 – 120
අමු මිරිස් 150 – 200
මැකරල් 30 – 50
මාළු මිරිස් 300 – 350
කොමඩු 40 – 50
සීගිරිය විශේෂ
